Лінкі ўнівэрсальнага доступу

У Менску адсьвяткавалі Дзень Волі. Галоўнае


У Кіеўскім сквэры Менску 24 сакавіка адбылося сьвяткаваньне Дня Волі, якое наведалі некалькі тысяч чалавек. Свабода вяла жывую відэа- і тэкставую трансьляцыю сьвяточнага канцэрту.

Хто арганізаваў?

Мітынг-канцэрт арганізавалі беларускія палітычныя партыі:

  • Беларуская-хрысьціянская дэмакратыя;
  • Абʼяднаная грамадзянская партыя;
  • Беларуская сацыял-дэмакратычная партыя (Грамада);
  • і рух «За Свабоду».
Віталь Рымашэўскі і Вольга Кавалькова (БХД), Юрась Губарэвіч (рух «За Свабоду»), Мікалай Казлоў (АГП), Ігар Барысаў і Іван Помаз (БСДП-Грамада)
Віталь Рымашэўскі і Вольга Кавалькова (БХД), Юрась Губарэвіч (рух «За Свабоду»), Мікалай Казлоў (АГП), Ігар Барысаў і Іван Помаз (БСДП-Грамада)

Хто сьпяваў?

  • «Водар»;
  • «Няхай»;
  • KaS;
  • «Дай дарогу»;
  • N.R.M.;
  • «Разьбітае сэрца пацана».

Колькі людзей прыйшло?

Ня менш за 2 тысячы чалавек, казаў арганізатар ад руху «За Свабоду» Юрась Губарэвіч. Праваабаронцы колькасьць удзельнікаў пакуль не называлі.

Колькі чалавек затрымалі?

  • Натальлю Басалыгу затрымалі на ўваходзе ў Кіеўскі сквер, піша праваабарончы цэнтар Вясна;
  • Зьмітра Дашкевіча — пасьля прамовы на сцэне;
  • Арганізатара мерапрыемства Віталя Рымашэўскага — пасьля спробы высьветліць, чаму затрымалі Дашкевіча. Пазьней Рымашэўскага адпусьцілі;
  • На просьбу арганізатараў таксама затрымалі чалавека, які выгадаў пʼяным, паводзіў сябе неадэкватна.

Што важна ведаць пра Дзень Волі — 2019

  • 1 сакавіка — Аляксандар Лукашэнка вусна забараніў сьвяткаваць Дзень Волі канцэртам на стадыёне «Дынама», як таго хацелі арганізатары #БНР100 — кажа: «Ідзіце на Бангалёр».
  • 23 сакавіка ў Горадні — канцэрт у Калоскім парку з удзелам Зьмітра Вайцюшкевіча, Лявона Вольскага, гуртоў Nizkiz, «Крама», «Дай дарогу!» і Dzieciuki. Ад 3 да 5 тысяч гледачоў.
  • 23–24 сакавіка — акцыі беларусаў у Варшаве, Вільні, Кіеве, Нью-Ёрку, Празе ды іншых гарадах.
  • 24 сакавіка ў Менску — мітынг-канцэрт у Кіеўскім сквэры з удзелам «Дай дарогу», N.R.M., «Разьбітага сэрца пацана» ды іншых. Ад 1500 (паводле міліцыі) да 5–7 тысячаў (паводле арганізатараў) гледачоў. Затрыманыя Натальля Басалыга-Гарачка і Зьміцер Дашкевіч.
  • 25 сакавіка ў Гомлі — акцыя памяці герояў БНР.
  • 25 сакавіка ў Віцебску — адзіночны пікет Барыса Хамайды, які расцанілі як «парушэньне парадку ўтрыманьня населеных пунктаў».
  • 25 сакавіка ў розных гарадах — людзі вывешвалі бел-чырвона-белыя сьцягі на заклік арганізатараў #БНР101, уладам не спадабалася.
  • 25 сакавіка ў Менску на Кастрычніцкай плошчы — акцыя Алены Талстой (прыкавала сябе да слупа), затрыманьні палітыкаў і мінакоў. Праз тры гадзіны вызваленыя ўсе, акрамя Талстой, пратаколаў аб парушэньнях не складалі.
  • 25 сакавіка ў Менску на пешаходных вуліцах — затрыманьні музыкаў (Аракелян, Вайцюшкевіч, Варашкевіч і Вольскі), якія анансавалі, што зьбіраюцца прагуляцца і ўзяць з сабой музычныя інструмэнты. Пасьля затрыманьня дзясяткі людзей сьпявалі хорам песьні Вольскага, міліцыя пагражала затрыманьнямі і гвалтам. Праз тры гадзіны музыкі вызваленыя.
  • 25 сакавіка ў розных гарадах — салюты ў гонар Дня Волі.

Што яшчэ пачытаць, паслухаць, паглядзець пра БНР

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG