Лінкі ўнівэрсальнага доступу

Аўтазакі ў цэнтры Менску на Дзень Волі. ФАТАФАКТ


Аўтазакі на Кастрычніцкай плошчы ў Менску

Цягам 25 сакавіка ў цэнтры Менску стаяць аўтазакі, вуліцы патрулююць супрацоўнікі праваахоўных органаў у форме і ў цывільным.

Аўтазакі на Кастрычніцкай плошчы ў Менску
Аўтазакі на Кастрычніцкай плошчы ў Менску

На Кастрычніцкай плошчы Менску аўтазакі стаяць за стэндам з дзяржаўнымі сьцягамі. Плошчу патрулююць супрацоўнікі АМАП і мужчыны ў цывільным з рацыямі.

Як напісаў чытач Свабоды Іларыён Трусаў, ля будынку на Валадарскага, 9, дзе была абвешчаная незалежнасьць БНР, стаяць «два аўтазакі, супрацоўнікі АМАП і мікрааўтобус». Паводле Трусава, чалавек у цывільным зь мікрааўтобуса здымае тых, хто прыносіць кветкі да будынку.

Аўтазакі ля дому на Валадарскага, 9, дзе была абвешчана незалежнасьць БНР
Аўтазакі ля дому на Валадарскага, 9, дзе была абвешчана незалежнасьць БНР

«Пасьля таго, як я пакінуў кветкі, падышоў „чырвоны бэрэт“ і забраў нашыя кветкі», — напісаў Трусаў.

Ускладаньне кветак да партрэтаў дзеячоў БНР на Валадарскага, 9
Ускладаньне кветак да партрэтаў дзеячоў БНР на Валадарскага, 9

Увечары 25 сакавіка шэраг апазыцыйных палітыкаў, сярод якіх Мікалай Казлоў, Віталь Рымашэўскі, Ігар Барысаў, зьбіраюцца прайсьці пад бел-чырвона-белымі сьцягамі ад Кастрычніцкай плошчы да дому на вуліцы Валадарскага (былая Серпухаўская), 9, дзе 25 сакавіка 1918 году была абвешчана незалежнасьць БНР.

Арганізатары канцэрту на Дзень Волі ў Горадні заклікалі 25 сакавіка прынесьці кветкі да дому на Валадарскага, 9.

Што важна ведаць пра Дзень Волі — 2019

  • 1 сакавіка — Аляксандар Лукашэнка вусна забараніў сьвяткаваць Дзень Волі канцэртам на стадыёне «Дынама», як таго хацелі арганізатары #БНР100 — кажа: «Ідзіце на Бангалёр».
  • 23 сакавіка ў Горадні — канцэрт у Калоскім парку з удзелам Зьмітра Вайцюшкевіча, Лявона Вольскага, гуртоў Nizkiz, «Крама», «Дай дарогу!» і Dzieciuki. Ад 3 да 5 тысяч гледачоў.
  • 23–24 сакавіка — акцыі беларусаў у Варшаве, Вільні, Кіеве, Нью-Ёрку, Празе ды іншых гарадах.
  • 24 сакавіка ў Менску — мітынг-канцэрт у Кіеўскім сквэры з удзелам «Дай дарогу», N.R.M., «Разьбітага сэрца пацана» ды іншых. Ад 1500 (паводле міліцыі) да 5–7 тысячаў (паводле арганізатараў) гледачоў. Затрыманыя Натальля Басалыга-Гарачка і Зьміцер Дашкевіч.
  • 25 сакавіка ў Гомлі — акцыя памяці герояў БНР.
  • 25 сакавіка ў Віцебску — адзіночны пікет Барыса Хамайды, які расцанілі як «парушэньне парадку ўтрыманьня населеных пунктаў».
  • 25 сакавіка ў розных гарадах — людзі вывешвалі бел-чырвона-белыя сьцягі на заклік арганізатараў #БНР101, уладам не спадабалася.
  • 25 сакавіка ў Менску на Кастрычніцкай плошчы — акцыя Алены Талстой (прыкавала сябе да слупа), затрыманьні палітыкаў і мінакоў. Праз тры гадзіны вызваленыя ўсе, акрамя Талстой, пратаколаў аб парушэньнях не складалі.
  • 25 сакавіка ў Менску на пешаходных вуліцах — затрыманьні музыкаў (Аракелян, Вайцюшкевіч, Варашкевіч і Вольскі), якія анансавалі, што зьбіраюцца прагуляцца і ўзяць з сабой музычныя інструмэнты. Пасьля затрыманьня дзясяткі людзей сьпявалі хорам песьні Вольскага, міліцыя пагражала затрыманьнямі і гвалтам. Праз тры гадзіны музыкі вызваленыя.
  • 25 сакавіка ў розных гарадах — салюты ў гонар Дня Волі.

Што яшчэ пачытаць, паслухаць, паглядзець пра БНР

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG