Галіна Жарко, Менск Пагроза тэрарызму запатрабавала ўдасканаленьня памежнага кантролю і авіяцыйнай бясьпекі. Ідэнтыфікацыя асобы паводле біямэтрычных прыкметаў адбываецца ў Амэрыцы, Японіі, Аўстрыі, Бэльгіі, Нямеччыне ды іншых краінах, дзе ў пашпарты грамадзянаў уведзеныя электронныя мікрачыпы. Асноўны дакумэнт грамадзяніна Беларусі – нацыянальны пашпарт – таксама чакае мадэрнізацыя. Пакуль – «касмэтычныя» папраўкі. Але, магчыма, галоўны грамадзянскі дакумэнт стане біямэтрычным. Пра пашпартныя рэформы – дасьледаваньне "Свабоды".