200 мільёнаў даляраў, якія Ўсясьветны банк выдзеліў Беларусі на падтрымку эканамічнай праграмы ўраду, паступяць у бюджэт краіны цягам бліжэйшага тыдня. Пра гэта сёньня падчас сустрэчы з журналістамі заявіў Марцін Райзэр — дырэктар аддзелу Беларусі, Малдовы і Ўкраіны ва Ўсясьветным банку. Ён ня выключыў нейкіх тэхнічных затрымак, але запэўніў: нават калі нешта і здарыцца, да Новага году сродкі ў Менск дойдуць абавязкова.