Вячаслаў Кулік, Менск Міністэрства сельскай гаспадаркі й харчаваньня Беларусі паведамляе, што жніво ў краіне вядзецца на апошніх гектарах. Паводле афіцыйнай інфармацыі, агульны намалот перавысіць 7 мільёнаў тон – рэкордны для Беларусі ўраджай. Але многія ўдзельнікі жніва заяўляюць, што ўлады хаваюць праўдзівую інфармацыю пра рэальную хаду кампаніі, у тым ліку зьвесткі пра тое, як ідзе жніво на прыватных участках вясковых жыхароў.