Ілюстрацыйнае фота. Праціўнікі акумулятарнага завода прыйшлі на прыём дла ўладаў , чэрвень 2019 году
Дакумэнты для рэгістрацыі былі пададзеныя 26 чэрвеня.
Устаноўчы сход арганізацыі праціўнікаў будаўніцтва акумулятарнага заводу ля Берасьця, якая атрымала назву «ЭкаБрэст», адбыўся 26 траўня. 26 чэрвеня актывісты падалі дакумэнты на рэгістрацыю ў Галоўнае ўпраўленьне юстыцыі Берасьцейскага аблвыканкаму. Сузаснавальнікамі берасьцейскага абласнога экалягічнага праваабарончага грамадзкага аб’яднаньня «ЭкаБрэст» сталі 12 актывістаў, якія выступаюць супраць будаўніцтва ля абласнога цэнтру акумулятарнага заводу.
У статуце арганізацыі гаворыцца, што асноўнай мэтай яе дзейнасьці зьяўляецца падтрымка, дапамога і шырокае прыцягненьне грамадзкасьці да рашэньня экалягічных праблем, абарона правоў і свабод чалавека, зафіксаваных у Канстытуцыі Рэспублікі Беларусь.
Як расказаў Свабодзе адзін з заяўнікаў Раман Кісьляк, 24 ліпеня актывістам у вуснай форме паведамілі, што на просьбу аб рэгістрацыі «ЭкаБрэсту» будзе атрыманая адмова з прычыны «немагчымых для выпраўленьня недахопаў». Пісьмовай адмовы пакуль актывісты не атрымалі.
