Лінкі ўнівэрсальнага доступу

Ватыкан мае намер сфармаваць свой Алімпійскі камітэт. Якім спортам будуць займацца


Плошча сьвятога Пятра. Ватыкан.
Плошча сьвятога Пятра. Ватыкан.

Ватыкан мае намер сфармаваць Нацыянальны алімпійскі камітэт (НАК). Гэта можа адбыцца, калі ў дзяржаве будзе пяць відаў спорту, прызнаных профільнымі міжнароднымі фэдэрацыямі. Пра гэта напярэдадні заявіў міністар спорту Ватыкану Мяльчор Санчэс дэ Тока.

«Мы можам гуляць у футбол, тхэквандо, крыкет. Зь пяцьцю або шасьцю відамі спорту мы маглі б сфармаваць НАК. Мы ня хочам змагацца за мэдалі. Наш алімпійскі камітэт быў бы найперш сымбалічным. Але гэта паказала б, што каштоўнасьці алімпізму могуць быць падзеленыя хрысьціянамі», — адзначыў Мяльчор Санчэс дэ Тока. Ён дадаў, што стварэньне НАК адбудзецца ў сярэднетэрміновай пэрспэктыве.

Таксама ён палічыў «рэалістычнай» магчымасьць прысутнасьці Ватыкану на парадзе нацый на цырымоніі адкрыцьця летніх Алімпійскіх гульняў 2024 году ў Парыжы.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG