31 сьнежня ў Беларусі застанецца працоўным днём, сказаў журналістам перад першым паседжаньнем новага складу Палаты прадстаўнікоў прэм’ер-міністар Беларусі Сяргей Румас.
Паводле яго, прапанову зрабіць пераднавагодні дзень выходным ва ўрадзе разгледзелі, але не падтрымалі. Як і плянавалася раней, беларусы будуць адпачываць 1 студзеня, а за 2 студзеня давядзецца адпрацаваць у суботу 4 студзеня. Таксама ня трэба на працу 6 студзеня, але з адпрацоўкай у суботу 11 студзеня.
Раней у інтэрнэце зьявілася пэтыцыя зрабіць выходным апошні дзень году, за яе падпісаліся больш як 15 тысяч чалавек.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў