Лінкі ўнівэрсальнага доступу

У Сэуле перасталі забіваць сабак для ежы


Сабакі ў клетцы на сабачай фэрме на ўскрайку Сэулу, лістапад 2017.

Мэр Сэулу Пак Вансун заявіў, што ў горадзе на гэтым тыдні была закрытая апошняя бойня для сабак.

«Шляхам пераконваньня на працягу многіх гадоў мы спынілі ўсе забоі ў Сэуле. Мы будзем утрымліваць горад як месца, свабоднае ад забою сабак, каб павысіць годнасьць існаваньня зьвяроў», — цытуе мэра Сэулу New York Post.

Мэр дадаў, што ён вырашыў спыніць у паўднёвакарэйскай сталіцы шматвяковую практыку забіваньня сабак для мяса, калі на пачатку гэтага году паглядзеў мультфільм пра бадзяжных шчанюкоў.

New York Post адзначае, што па ўсёй краіне папулярнасьць сабачага мяса ўпала ў апошнія месяцы, а апытаньне, праведзенае летась, паказала, што 70 працэнтаў жыхароў Паўднёвай Карэі больш ня хочуць спажываць такую ежу.

У чэрвені сёлета ў карэйскім парлямэнце быў зарэгістраваны законапраект, які цалкам забараняе спажываньне сабачага мяса, але да гэтага часу заканадаўцы яго не зацьвердзілі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG