Лінкі ўнівэрсальнага доступу

Улады забаранілі Дзень Волі ў цэнтры Берасьця


Сьвяткаваньне 100 год Беларускай Народнай Рэспублікі ў Берасьці, 25 сакавіка 2018 году
Сьвяткаваньне 100 год Беларускай Народнай Рэспублікі ў Берасьці, 25 сакавіка 2018 году

Берасьцейскія ўлады забаранілі сацыял-дэмакратам праводзіць пікет на Дзень Волі. Двухгадзінную акцыю хацелі правесьці 25 сакавіка ў цэнтры гораду на пешаходнай вуліцы Савецкай, піша БелаПАН.

Як паведаміў адзін з заяўнікаў акцыі старшыня Беларускай сацыял-дэмакратычнай партыі (Грамада) Ігар Маслоўскі, гарвыканкам матываваў адмову тым, пікет хацелі правесьці ва неўсталяваных для гэтага месцах. Паводле рашэньня гарвыканкама масавыя мерапрыемствы зь ініцыятывы грамадзян можна праводзіць толькі ў двух месцах:

  • на пляцоўцы ля сцэны ў парку Воінаў-інтэрнацыяналістаў;
  • на стадыёне «Лякаматыў».
Сьвяткаваньне 100-годзьдзя Беларускай Народнай Рэспублікі ў Берасьці, 2018 год
Сьвяткаваньне 100-годзьдзя Беларускай Народнай Рэспублікі ў Берасьці, 2018 год

«Відаць, ліміт на дэмакратыю ўлады вычарпалі», — сказаў Маслоўскі.

У 2017 і 2018 годзе акцыі на Дзень Волі ў цэнтры Берасьця дазвалялі. Летась, на сьвяткаваньне 100 год БНР прыйшло каля 500 чалавек.

Што важна ведаць пра Дзень Волі — 2019

  • 1 сакавіка — Аляксандар Лукашэнка вусна забараніў сьвяткаваць Дзень Волі канцэртам на стадыёне «Дынама», як таго хацелі арганізатары #БНР100 — кажа: «Ідзіце на Бангалёр».
  • 23 сакавіка ў Горадні — канцэрт у Калоскім парку з удзелам Зьмітра Вайцюшкевіча, Лявона Вольскага, гуртоў Nizkiz, «Крама», «Дай дарогу!» і Dzieciuki. Ад 3 да 5 тысяч гледачоў.
  • 23–24 сакавіка — акцыі беларусаў у Варшаве, Вільні, Кіеве, Нью-Ёрку, Празе ды іншых гарадах.
  • 24 сакавіка ў Менску — мітынг-канцэрт у Кіеўскім сквэры з удзелам «Дай дарогу», N.R.M., «Разьбітага сэрца пацана» ды іншых. Ад 1500 (паводле міліцыі) да 5–7 тысячаў (паводле арганізатараў) гледачоў. Затрыманыя Натальля Басалыга-Гарачка і Зьміцер Дашкевіч.
  • 25 сакавіка ў Гомлі — акцыя памяці герояў БНР.
  • 25 сакавіка ў Віцебску — адзіночны пікет Барыса Хамайды, які расцанілі як «парушэньне парадку ўтрыманьня населеных пунктаў».
  • 25 сакавіка ў розных гарадах — людзі вывешвалі бел-чырвона-белыя сьцягі на заклік арганізатараў #БНР101, уладам не спадабалася.
  • 25 сакавіка ў Менску на Кастрычніцкай плошчы — акцыя Алены Талстой (прыкавала сябе да слупа), затрыманьні палітыкаў і мінакоў. Праз тры гадзіны вызваленыя ўсе, акрамя Талстой, пратаколаў аб парушэньнях не складалі.
  • 25 сакавіка ў Менску на пешаходных вуліцах — затрыманьні музыкаў (Аракелян, Вайцюшкевіч, Варашкевіч і Вольскі), якія анансавалі, што зьбіраюцца прагуляцца і ўзяць з сабой музычныя інструмэнты. Пасьля затрыманьня дзясяткі людзей сьпявалі хорам песьні Вольскага, міліцыя пагражала затрыманьнямі і гвалтам. Праз тры гадзіны музыкі вызваленыя.
  • 25 сакавіка ў розных гарадах — салюты ў гонар Дня Волі.

Што яшчэ пачытаць, паслухаць, паглядзець пра БНР

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG