У Міністэрстве энэргетыкі Беларусі пацьвердзілі аднаўленьне імпарту электраэнэргіі з Украіны.
«Гаворка аб узаемавыгадным супрацоўніцтве на парытэтнай аснове, калі пры тэхнічнай магчымасьці і эканамічнай мэтазгоднасьці ажыцьцяўляюцца ўзаемавыгадныя пастаўкі электраэнэргіі», — спасылаецца Інтэрфакс на прадстаўніцу ведамства Вольгу Казловіч.
ГЛЯДЗІЦЕ ТАКСАМА:
Экспарт беларускай электраэнэргіі ў першым квартале 2020 году зьнізіўся больш як на 20%Напярэдадні прэс-служба ўкраінскай карпарацыі «Енергоатом» паведаміла, што Ўкраіна аднавіла экспарт электраэнэргіі ў Беларусь, які быў прыпынены 1 кастрычніка 2014 году. Тады гэты крок тлумачыўся дэфіцытам электраэнэргіі для ўнутраных патрэбаў.
Ад 2018 году Беларусь пасьля мадэрнізацыі энэргасыстэмы пачала экспартаваць электраэнэргію, у тым ліку ва Ўкраіну і краіны Балтыі. Летась генэральны дырэктар «Белэнэрга» Павал Дрозд заявіў, што ў Беларусі ёсьць магчымасьці пастаўляць ва Ўкраіну 5–6 млрд кВт/гадзін электраэнэргіі штогод. У цэлым экспарт беларускай электраэнэргіі па выніках 2019 году склаў 2,35 млрд кВт/гадзін.
ГЛЯДЗІЦЕ ТАКСАМА:
Пуск БелАЭС заплянавалі на жнівень. Да ці пасьля выбараў, невядомаБеларускія ўлады анансавалі, што ўжо ў жніўні адбудзецца фізычны пуск першага энэргаблёку атамнай электрастанцыі, якая ўзводзіцца ў Астраўцы на Горадзеншчыне паводле праекту расейскай карпарацыі «Росатом».