Лінкі ўнівэрсальнага доступу

«Росатом»: пашкоджаны корпус рэактара БелАЭС можа быць выкарыстаны на іншых праектах


Беларуская АЭС

Беларуская АЭС

Генэральны дырэктар карпарацыі «Росатом» Сяргей Кірыенка заявіў БЕЛТА, што пытаньне пра замену корпусу рэактара для першага энэргаблёку БелАЭС «вырашаецца ў рабочым парадку».

Раней намесьнік міністра энэргетыкі Беларусі Міхаіл Міхадзюк паведамляў, што пасьля інцыдэнту з падзеньнем корпуса рэактара беларускі бок прыняў рашэньне аб яго замене.

За час будоўлі БелАЭС было 10 інцыдэнтаў, загінулі 3 чалавекі. «Гэта прымальна», — Міхадзюк

«Калі беларускія калегі папросяць замяніць корпус рэактара, а яны гэта фактычна зрабілі, значыць, мы яго заменім, — сказаў Кірыенка. — Ня бачу ніякіх праблемаў. Корпус абсалютна працаздольны, ён можа быць выкарыстаны на іншых праектах. Ніякіх дадатковых выдаткаў, акрамя зьвязаных зь перавозкай рэактара, няма — гэта мы дакладна зможам вырашыць».

Ён кажа, што разумее «занепакоенасьць ня толькі тэхнічнымі рашэньнямі, але і грамадзкай прымальнасьцю праекту», абяцае ставіцца з павагай і разуменьнем да беларускіх партнэраў, якія пасьля чарнобыльскай катастрофы могуць кіравацца «камфортам грамадзкай думкі».

Узгадненьне графіку будаўніцтва БелАЭС цяпер вырашаецца як «рабочае пытаньне», кажа дырэктар карпарацыі «Росатом».

Паказаць камэнтары

XS
SM
MD
LG