(эфір 30 верасьня)
Берасьцейскiя кiроўцы мiкрааўтобусаў, якiя аказваюць транспартныя паслугi на гарадзкiх маршрутах, абвесьцiлi страйк, пратэстуючы супраць дзеяньняў уладаў. Мясцовая «вэртыкаль» прымушае кiроўцаў зьменшыць кошт праезду ў маршрутных таксi, не зважаючы на тое, што апошнiм часам рэгулярна падвышаюцца кошты на палiва, а з кастрычнiка павялiчваецца мiнiмальны заробак у Беларусi. Нагодаю для таго, каб распачаць страйк, берасьцейскiя кiроўцы таксi называюць тое, што апошнiмi днямi адразу на сямёх iхных калегаў былi cкладзеныя пратаколы. Кантрольныя ворганы абвiнавацiлi кiроўцаў у тым, што яны без узгадненьня зь мясцовай «вэртыкальлю» ўсталявалi новыя тарыфы на свае паслугi. Складаньне пратаколаў азначае, што на кiроўцаў будзе накладзены штраф, а наступнае выяўленае парушэньне можа прывесьцi да скасаваньня лiцэнзii. Берасьцейскiя кiроўцы абураныя такiмi паводзiнамi ўладаў. Толькi за апошнi месяц тры разы зьмянялiся кошты на палiва, а зь 1 кастрычнiка павялiчваецца мiнiмальны заробак у краiне, ад якога залежыць фiксаваны падатак для кiроўцаў маршрутных таксi. У такiх умовах, сьцьвярджаюць кiроўцы, весьцi размовы пра зьнiжэньне кошту праезду ў таксi проста не выпадае. Але ўлады настойваюць на неабходнасьцi зьмяншэньня тарыфаў i зараз распачалi сапраўднае паляваньне на кiроўцаў, якiя не зьбiраюцца працаваць са стратамi. У адказ берасьцейскiя кiроўцы пайшлi на рашучы крок: увечары 29 верасьня яны правялi адмысловы сход, на якiм было прынятае рашэньне спынiць працу. Фактычна страйк распачаўся адразу пасьля сходу, у якiм узялі ўдзел больш за 200 кiроўцаў, i працягнецца ў суботу, нядзелю й панядзелак. На 2 кастрычнiка прызначаны яшчэ адзiн сход кiроўцаў, пад час якога будзе вырашацца, што рабiць далей. Пра рашучасьць намераў кiроўцаў сьведчыць i той факт, што нiхто зь iх пакуль не сплацiў фiксаваны падатак за кастрычнiк. З гэтага можа вынiкаць, што ўладальнiкi берасьцейскiх маршрутных таксi гатовыя трымаць страйк на працягу ўсяго месяца. Калi ўлiчваць, што рух звычайнага грамадзкага транспарту ў горадзе, асаблiва ў выхадныя днi, з-за стратнасьцi й недастатковага фiнансаваньня гэтае галiны зьведвае сур'ёзныя праблемы, берасьцейскiх пасажыраў чакаюць цяпер дадатковыя цяжкасьцi. Алег Супрунюк, Берасьце
Берасьцейскiя кiроўцы мiкрааўтобусаў, якiя аказваюць транспартныя паслугi на гарадзкiх маршрутах, абвесьцiлi страйк, пратэстуючы супраць дзеяньняў уладаў. Мясцовая «вэртыкаль» прымушае кiроўцаў зьменшыць кошт праезду ў маршрутных таксi, не зважаючы на тое, што апошнiм часам рэгулярна падвышаюцца кошты на палiва, а з кастрычнiка павялiчваецца мiнiмальны заробак у Беларусi. Нагодаю для таго, каб распачаць страйк, берасьцейскiя кiроўцы таксi называюць тое, што апошнiмi днямi адразу на сямёх iхных калегаў былi cкладзеныя пратаколы. Кантрольныя ворганы абвiнавацiлi кiроўцаў у тым, што яны без узгадненьня зь мясцовай «вэртыкальлю» ўсталявалi новыя тарыфы на свае паслугi. Складаньне пратаколаў азначае, што на кiроўцаў будзе накладзены штраф, а наступнае выяўленае парушэньне можа прывесьцi да скасаваньня лiцэнзii. Берасьцейскiя кiроўцы абураныя такiмi паводзiнамi ўладаў. Толькi за апошнi месяц тры разы зьмянялiся кошты на палiва, а зь 1 кастрычнiка павялiчваецца мiнiмальны заробак у краiне, ад якога залежыць фiксаваны падатак для кiроўцаў маршрутных таксi. У такiх умовах, сьцьвярджаюць кiроўцы, весьцi размовы пра зьнiжэньне кошту праезду ў таксi проста не выпадае. Але ўлады настойваюць на неабходнасьцi зьмяншэньня тарыфаў i зараз распачалi сапраўднае паляваньне на кiроўцаў, якiя не зьбiраюцца працаваць са стратамi. У адказ берасьцейскiя кiроўцы пайшлi на рашучы крок: увечары 29 верасьня яны правялi адмысловы сход, на якiм было прынятае рашэньне спынiць працу. Фактычна страйк распачаўся адразу пасьля сходу, у якiм узялі ўдзел больш за 200 кiроўцаў, i працягнецца ў суботу, нядзелю й панядзелак. На 2 кастрычнiка прызначаны яшчэ адзiн сход кiроўцаў, пад час якога будзе вырашацца, што рабiць далей. Пра рашучасьць намераў кiроўцаў сьведчыць i той факт, што нiхто зь iх пакуль не сплацiў фiксаваны падатак за кастрычнiк. З гэтага можа вынiкаць, што ўладальнiкi берасьцейскiх маршрутных таксi гатовыя трымаць страйк на працягу ўсяго месяца. Калi ўлiчваць, што рух звычайнага грамадзкага транспарту ў горадзе, асаблiва ў выхадныя днi, з-за стратнасьцi й недастатковага фiнансаваньня гэтае галiны зьведвае сур'ёзныя праблемы, берасьцейскiх пасажыраў чакаюць цяпер дадатковыя цяжкасьцi. Алег Супрунюк, Берасьце
