Ігар Карней, Кобрынскі раён Лёс беларускай вёскі і месца ў ёй фэрмэраў – тэма, якая апошнім часам надзвычай хвалюе вясковых прыватнікаў. Цяпер фэрмэрствам у Беларусі займаюцца 2 200 гаспадарнікаў. Гэта ўтрая меней, чым нават напачатку 1990-х, калі фэрмэрства толькі фармавалася. Што замінае рэалізацыі аграрнай схемы, апрабаванай фактычна ва ўсім сьвеце? На прыкладзе Ўладзімера Банцэвіча зь вёскі Аніскавічы Кобрынскага раёну наш карэспандэнт прасачыў, як лёгка ня толькі расчаравацца ў глябальных намерах, але і трапіць на лаву падсудных.