Прамаўляючы ў Маскве, прэзыдэнт Расеі Уладзімір Пуцін заявіў, што Варшава павінна “заўважыць пазытыўны сігнал з расейскага боку”, а менавіта гатоўнасьць Расеі адкрыць свой рынак для экспарту з Польшчы жывой жывёлы.
Між тым міністар замежных спраў Польшчы Ганна Фатыга заявіла, што падобныя заявы Пуціна сьведчаць аб пашырэньні эмбарга.
“Я хачу выразна заявіць – дагэтуль расейскае эмбарга не ахоплівала жывых жывёл, таму словы Пуціна – гэта фактычна пашырэньне эмбарга, а не нейкі “пазытыўны сыгнал”,– заявіла спадарыня Фатыга.
Між тым польскі віцэ-прэм’ер і міністар сельскай гаспадаркі Анджэй Лепэр, камэнтуючы словы расейскага прэзыдэнта, сказаў, што “Пуціна альбо дрэнна інфармуюць, альбо гэта проста зьдзек з Польшчы”.
Эмбарга на экспарт у Расею польскіх прадуктаў мяснога, а потым і расьліннага паходжаньня было ўведзенае Масквой восеньню 2005 году адразу пасьля таго, як у Польшчы да ўлады прыйшлі правыя сілы. У Польшчы лічаць, што санкцыі Расеі маюць выключна палітычны характар.
У адказ Варшава заблякавала пачатак перамоваў паміж Эўразьвязам і Расеяй ў справе новага пагадненьня аб партнэрстве.
Між тым міністар замежных спраў Польшчы Ганна Фатыга заявіла, што падобныя заявы Пуціна сьведчаць аб пашырэньні эмбарга.
“Я хачу выразна заявіць – дагэтуль расейскае эмбарга не ахоплівала жывых жывёл, таму словы Пуціна – гэта фактычна пашырэньне эмбарга, а не нейкі “пазытыўны сыгнал”,– заявіла спадарыня Фатыга.
Між тым польскі віцэ-прэм’ер і міністар сельскай гаспадаркі Анджэй Лепэр, камэнтуючы словы расейскага прэзыдэнта, сказаў, што “Пуціна альбо дрэнна інфармуюць, альбо гэта проста зьдзек з Польшчы”.
Эмбарга на экспарт у Расею польскіх прадуктаў мяснога, а потым і расьліннага паходжаньня было ўведзенае Масквой восеньню 2005 году адразу пасьля таго, як у Польшчы да ўлады прыйшлі правыя сілы. У Польшчы лічаць, што санкцыі Расеі маюць выключна палітычны характар.
У адказ Варшава заблякавала пачатак перамоваў паміж Эўразьвязам і Расеяй ў справе новага пагадненьня аб партнэрстве.
