Міжнародны алімпійскі камітэт выказаў спачуваньні родным і блізкім загінулых у авіякатастрофе ў расейскім аэрапорце Дамадзедава і арганізаваў у паўднёвакарэйскім Пхёнчхане зону жалобы. Пра гэта гаворыцца ў распаўсюджаным арганізацыяй прэс-рэлізе.
Свае спачуваньні ў сувязі з гібельлю 71 чалавека таксама выказалі прадстаўнікі некалькіх краін, у тым ліку ЗША, Украіны і Грузіі.
Выратавальная апэрацыя на месцы гібелі Ан-148 «Саратаўскіх авіяліній» завяршылася. У МНС пацьвердзілі, што ніхто з тых, хто знаходзіўся на борце, ня выжыў. Цяпер ратавальнікі шукаюць целы загінулых.
Сярод магчымых прычын авіякатастрофы, якая адбылася напярэдадні днём, разглядаюцца абледзяненьне, чалавечы фактар і тэхнічную няспраўнасьць самалёта. Паведамлялася, што вэрсія пра тэракт на борце паветранага судна не зьяўляецца прыярытэтнай.