Лінкі ўнівэрсальнага доступу

Міністар замежных справаў Расеі назваў «трызьненьнем» акупацыю Беларусі Расеяй


Сяргей Лаўроў, архіўнае фота
Сяргей Лаўроў, архіўнае фота

Міністар замежных справаў Расеі Сяргей Лаўроў правёў сустрэчу з прадстаўнікамі беларускіх дзяржаўных СМІ і прыватнага Tut.by. Апошні прыводзіць адказы Лаўрова на 10 пытаньняў, якія ў яго пасьпелі спытаць за 45 хвілін сустрэчы.

Адно з пытаньняў тычылася ранейшых выказваньняў замежных палітыкаў (у тым ліку міністар замежных справаў Латвіі і міністар абароны Эстоніі) пра магчымасьць таго, што Расея пакіне ў Беларусі свае войскі пасьля вучэньняў «Захад». Паволе Лаўрова, «чуткі, што мы [Расея] нібы рыхтуемся да ўводу войскаў у Беларусь пад выглядам вучэньняў, уо былі шмат раз абвергнутыя».

«Стогны і галашэньні з нагоды нашых вучэньняў з Рэспублікай Беларусь назіраюцца ня першы год, — заявіў Лаўроў. — Зараз рыхтуюцца вучэньні „Захад-2017“, пару гадоў таму былі вучэньні „Шчыт Саюзу-2015“. Тыя ж крыкі раздаваліся: што цяпер расейскія войскі ўвойдуць нібыта для правядзеньня вучэньняў, потым застануцца там назаўсёды і акупуюць Беларусь. Большага трызьненьня цяжка сабе ўявіць, тым больш, калі гаворка ідзе пра палітыкаў, якія прэтэндуюць на нейкую рэспектабэльнасьць у Эўразьвязе».

«Зялёныя чалавечыкі» ў Крыме, 2014 год
«Зялёныя чалавечыкі» ў Крыме, 2014 год

У 2014 годзе Лаўроў заяўляў, што «зялёныя чалавечыкі», якія акупавалі ўкраінскі Крым — не рэгулярныя расейскія войскі, а «сілы самаабароны», якім Расея не дае загадаў. Пазьней яго (і свае ўласныя) словы абвергнуў Уладзімер Пуцін.

У адказе на пытаньне пра магчымасьць акупацыі Беларусі Лаўроў таксама згадаў падзеі ва Ўкраіне ў 2014 годзе, але назваў «Эўрамайдан» «дзяржаўным пераваротам» (паводле ўкраінскай вэрсіі, прэзыдэнт Януковіч самаўхіліўся ад улады і ўцёк у Расею пасьля расстрэлу «Нябеснай сотні»), пасьля якога Расея «вымушаная была ісьці на абарону тых людзей, якія адмаўляліся падпарадкоўвацца путчыстам нэанацысцкага толку».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG