Лінкі ўнівэрсальнага доступу

«Белсат»: у Берасьці і Маларыце затрымалі як найменей 40 чалавек


Ілюстрацыйнае фота.
Ілюстрацыйнае фота.

Паводле крыніцаў незалежнага тэлеканалу «Белсат», 7 сакавіка сілавікі ўчынілі масавыя затрыманьні ў Берасьці і Маларыце.

Вядома пра затрыманьне мінімум 40 асобаў, шмат хто з іх атрымаў 15 содняў арышту. Пасьля так званага рэйду зьнікла сувязь з юрыстам Уладзімірам Малеем, верагодна ён таксама затрыманы.

Таксама крыніцы «Белсату» паведамляюць, што берасьцейскі ізалятар часовага ўтрыманьня перапоўнены. Шмат людзей аказаліся ў ізалятары за падпіску на так званыя экстрэмісцкія СМІ і за камэнтары.

Паведамляецца, што ў ІЧУ таксама шмат тых, хто вярнуўся з-за мяжы, а таксама кіроўцаў-дальнабойнікаў. У чым абвінавачваюць апошніх — невядома.

Праваабаронцы пра масавыя затрыманьні 7 сакавіка нічога не паведамлялі, піша «Белсат».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG