Францускі мадэльер Пако Рабан памёр 3 лютага. Яму было 88 гадоў, паведамляе Le Monde.
Па паходжаньні Пако Рабан іспанец, ён нарадзіўся ў Краіне Баскаў. Але стаў лічыцца францускім мадэльерам, пасьля таго як прадставіў сваю першую калекцыю ў Парыжы ў 1966 годзе. Яна зрабіла фурор, бо адзеньне было зроблена з альтэрнатыўных матэрыялаў: плястыку, паперы, мэталу.
Яго ўборы насілі зоркі кіно. Сярод іх Одры Хэпбэрн і Джэйн Фонда. У 1999 годзе Пако Рабан адышоў ад спраў.