Лінкі ўнівэрсальнага доступу

Ад каранавірусу памерлі 1383 чалавекі. Экспэрты дапускаюць заражэньне ім 2/3 насельніцтва Зямлі


У шпіталі горада Ўхань, адкуль пачаўся распаўсюд каранавірусу. Кітай, 13 лютага 2020 году

За апошнія суткі ў кітайскай правінцыі Хубэй выявілі 4 823 новыя выпадкі заражэньня каранавірусам COVID-19 (зь іх 3 910 ва Ўхані), за гэты час памерлі 116 чалавек, паведамляе Рэгіянальная камісія аховы здароўя.

Як паведамляе Дзяржаўны камітэт гігіены і здароўя КНР, агулам у Кітаі новым каранавірусам заразіліся звыш 63,8 тысячы чалавек, памерлі 1380, паправіліся 6723 чалавекі. Больш за 10 тысяч хворых цяпер знаходзяцца ў цяжкім стане, яшчэ ў 177 тысяч чалавек падазраюць каранавірус.

Па ўсім сьвеце захварэлі больш за 64,4 тысячы чалавек, памерлі 1383 чалавекі.

Паводле экспэрта Сусьветнай арганізацыі аховы здароўя вірусоляга Айра Ланджыні, калі не спыніць эпідэмію, новым каранавірусам могуць заразіцца дзьве траціны насельніцтва Зямлі, піша Bloomberg. Экспэрт зыходзіць з дадзеных, згодна зь якімі кожны заражаны вірусам чалавек перадае інфэкцыю двум-тром іншым людзям.

Запаволіць распаўсюд каранавірусу можа карантын. Аднак, адзначае Ланджыні, каранавірус мог распаўсюдзіцца ня толькі ў Кітаі, але і за межамі краіны, перш чым улады КНР увялі неабходныя захады. Адсачыць распаўсюд каранавірусу цяжка, бо няма тэстаў, якія б дазволілі хутка выявіць захворваньне, а ў некаторых інфікаваных яно працякае параўнальна лёгка.

Што трэба ведаць пра новы каранавірус з Кітаю

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Апошнія навіны

усе навіны за дзень >
XS
SM
MD
LG