Лінкі ўнівэрсальнага доступу

«Перамытненьня» няма ў балянсе паставак расейскай нафты. Ці страціць Беларусь 400 млн даляраў?


Ілюстрацыйнае фота
Ілюстрацыйнае фота

Беларусь і Расея падпісалі індыкатыўны балянс паставак нафты на 2020 год, піша «Інтэрфакс». На пытаньне аб тым, ці ёсьць у балянсе «перамытненьне» нафты, як піша «Інтэрфакс», віцэ-прэм’ер Расеі Дзьмітры Козак адказаў адным словам: «Не».

Пры тым аб’ёмы паставак нафты не раскрываюцца. Крыніцы «Інтэрфаксу» сьцьвярджаюць, што яны мусілі застацца ранейшымі: 24 млн тонаў на год. У 2019 годзе з гэтых 24 млн т на перапрацоўку ішлі 18 млн т, а на «перамытненьне» — 6 млн т. Што цяпер будзе з 6 млн тонаў нафты, калі аб’ёмы паставак будуць ранейшымі, незразумела.

Дамова пра «перамытненьне» (Беларусь можа прадаваць набытую расейскую нафту, а мыта забіраць сабе) дзейнічала ад 2017 году, каб кампэнсаваць Беларусі высокія цэны на газ. Дзеяньне дамовы было прапісанае да 2019 году ўключна.

Бюджэт на 2020 год у Беларусі плянавалі без даходаў ад «перамытненьня», страты ацэньвалі ў 432,6 млн даляраў (страты ад падатковага манэўру, для параўнаньня, ацэньваліся ў 239,3 млн даляраў).

Тацяна Манёнак, архіўнае фота
Тацяна Манёнак, архіўнае фота

На думку экспэрткі ў галіне энэргетыкі Тацяна Манёнак, цяпер пытаньне аб «перамытненьні» яшчэ ня вырашанае канчаткова — яго могуць абмяркоўваць Аляксандар Лукашэнка і Ўладзімір Пуцін 7 сьнежня. І нават могуць знайсьці кампраміс.

Але калі Расея ня дасьць Беларусі нафту на «перамытненьне», але дасьць ранейшыя аб’ёмы паставак, Беларусь можа і не адмаўляцца ад «лішніх» 6 млн тонаў. Мадэрнізацыя нафтаперапрацоўчых заводаў Беларусі мусіла скончыцца якраз да 2020 году — і мадэрнізацыю паскорылі, «каб падрыхтавацца да новых умоваў», кажа Манёнак.

Магчыма, заводы сапраўды змогуць у бліжэйшы час эфэктыўна перапрацоўваць большыя аб’ёмы, разважае яна (перапрацаваць такія аб’ёмы могуць ужо, але ня надта эфэктыўна і эканамічна мэтазгодна). Але беларускі бок можа прасіць і працягнуць дазвол на «перамытненьне», бо да поўнага завяршэньня мадэрнізацыі эфэктыўнасьць будзе параўнальна нізкай.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG