Лінкі ўнівэрсальнага доступу

2 сьнежня ў Мадрыдзе адкрываецца Сусьветны форум у пытаньнях клімату


Антонію Гутэрыш

Сьвет мусіць спыніць вайну з прыродай і выявіць больш палітычнай волі для процідзеяньня глябальнаму пацяпленьню — заявіў 1 сьнежня Генэральны сакратар ААН Антонію Гутэрыш. Заява зробленая за дзень да адкрыцьця ў Мадрыдзе двухтыднёвага сусьветнага форуму у пытаньнях клімату, паведамляе Reuters.

Па ўсім сьвеце прыродныя пажары і паводкі нярэдка тлумачацца рукатворнымі прычынамі і узаемасувязьзю з глябальным пацяпленьнем. У сувязі з гэтым неабходна больш строга выконваць Парыскае пагадненьне 2015 году аб захадах у абмежаваньні прамысловых выкідаў у атмасфэру, падкрэсьліў Генэральны сакратар ААН.

Вайна, якую мы вядзем супраць прыроды, павінна спыніцца, і мы ведаем, што гэта магчыма, заявіў Гутэрыш. Трэба спыніць капаньне і бурэньне і выкарыстоўваць перавагі, якія абяцаюць аднаўляльныя крыніцы энэргіі, адзначыў кіраўнік ААН. Паводле яго, многія дзяржавы не выконваюць ўзятых на сябе міжнародных абавязаньняў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG