Лінкі ўнівэрсальнага доступу

Менгарвыканкам даслаў афіцыйны адказ наконт праціўнікаў «дошкі БНР»


Фрагмэнт новай «дошкі БНР»
Фрагмэнт новай «дошкі БНР»

Намесьнік старшыні Менгарвыканкаму Ігар Юркевіч адказаў на зварот журналіста Севярына Квяткоўскага наконт «дошкі БНР» — мэмарыяльнай шыльды для дома, дзе 100 гадоў таму абвясьцілі незалежнасьць Беларускай Народнай Рэспублікі. Нягледзячы на шэраг абяцаньняў, дошку ня вешаюць ужо 25 гадоў.

​Апошні да таго афіцыйны адказ быў такі: Ігар Юркевіч пісаў, што павесіць дошку перашкаджае «шэраг зваротаў ад грамадзянаў», а «пытаньне аб мэтазгоднасьці прыняцьця рашэньня па ўстаноўцы на разглядзе».​

Севярын Квяткоўскі папрасіў удакладніць, што за «шэраг зваротаў», колькі іх было і ад каго. Юркевіч адмовіў — спаслаўся на артыкул 28 Канстытуцыі Беларусі, паводле якога «кожны мае права на абарону ад незаконнага ўмяшаньня ў ягонае асабістае жыцьцё, у тым ліку ад замаху на тайну яго карэспандэнцыі, тэлефонных і іншых паведамленьняў, на яго гонар і годнасьць».

Пытаньне па-ранейшаму «на разглядзе» з прычыны «зваротаў грамадзянаў зь неадназначным стаўленьнем», атрыманыя ў невядомай колькасьці.

Тым часам пэтыцыя за тое, каб дошку нарэшце павесілі, сабрала больш за 3300 подпісаў.

Месяц працы і 133 кіляграмы бронзы. Як рабілі дошку ў гонар абвяшчэньня незалежнасьці БНР
пачакайце

No media source currently available

0:00 0:02:08 0:00

На «звароты грамадзянаў» спасылаліся таксама ў адказе на пэтыцыю аб перайменаваньні станцыі менскага мэтро «Плошча Леніна», што пад плошчай Незалежнасьці, у адпаведнасьці з назвай апошняй.

Ад уладаў дабіліся адказу: было 40 лістоў наконт перайменаваньня, 31 ліст быў з адмоўным стаўленьнем да прапановы (апублікаванай у 2010 годзе ў дзяржаўных газэтах «Вечерний Минск» і «Минский курьер», а пасьля ў незалежных СМІ).

Звароты на Petitions.by за перайменаваньне ў 2018 годзе падпісалі 155 чалавек першую і 571 чалавек другую. Станцыю не перайменавалі.

Што важна ведаць пра «дошку БНР»

У сакавіку 2018 году кіраўніцтва Менгарвыканкаму дазволіла ўсталяваць мэмарыяльную дошку на вуліцы Валадарскага, 9. Менавіта тут 25 сакавіка 1918 годзе была абвешчаная незалежнасьць Беларускай Народнай Рэспублікі.

Дом, дзе была абвешчана Трэцяя Ўстаўная грамата БНР.
Дом, дзе была абвешчана Трэцяя Ўстаўная грамата БНР.

  • Шыльду зрабілі з бронзы на ўзор папярэдняй, якую скульптар Алесь Шатэрнік адліў з сплаву алюмінію і крэмнію яшчэ ў 1993 годзе. Надпіс на новай дошцы зроблены афіцыйным правапісам; такое было патрабаваньне ўладаў.
  • Грошы на новую шыльду сабралі талакой усяго за тры гадзіны.
  • Дошку плянавалі ўсталяваць напярэдадні 23 сакавіка, але не ўсталявалі цягам наступнага году.
  • 941 подпіс сабрала летась пэтыцыя за ўсталяваньне памятных знакаў на будынках зьвязаных з гісторыяй БНР.
  • Ініцыятар усталяваньня «дошкі БНР», старшыня Беларускага саюзу мастакоў Рыгор Сітніца сказаў, што больш займацца дошкай ня будзе, бо «ёсьць іншыя арганізацыі, каб падымаць гэтае пытаньне».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG