Лінкі ўнівэрсальнага доступу

Пачаўся збор подпісаў у падтрымку законапраекту пра бел-чырвона-белы сьцяг


Дэпутатка Палаты прадстаўнікоў Ганна Канапацкая абвясьціла збор подпісаў у падтрымку прыняцьця Закону Рэспублікі Беларусь «Аб выкарыстаньні і ахове першага дзяржаўнага сьцяга Рэспублікі Беларусь».

Подпісы зьбіраюць праз Google-форму, у ёй неабходна пазначыць:

  • Прозьвішча, імя і імя па бацьку;
  • Паштовы і электронны адрас.

На момант публікацыі ў падтрымку законапраекта падпісаліся больш за 300 разоў, паведаміў Свабодзе памочнік Канапацкай Дзяніс Ціханенка. Таксама ён патлумачыў, што палітык вырашыла зьбіраць подпісы праз Google-форму, каб мець дадзеныя падпісантаў неабходныя па заканадаўству аб зваротах. Сайт petitions.by не перадае гэтую інфармацыю аўтарам пэтыцый.

Вядома, што дэпутатка будзе выносіць дакумэнт на парлямэнцкую сэсію, калі менавіта не ўдакладніла. Першапачаткова Канапацкая хацела накіраваць праект закону ў Палату прадстаўнікоў пасьля 21 траўня.

«Пабачым адказы Мінюста, Мінкульта і Мус, тады вырашым, як лепш дзейнічаць далей», — адказаў на пытаньне пра тэрмін накіраваньня дакумэнту ў Палату прадстаўнікоў Дзяніс Ціханенка.

Міністэрствы мусяць адказаць да 3 кастрычніка.

Што важна ведаць аб законапраекце пра бел-чырвона-белы сьцяг

14 траўня дэпутатка Палаты прадстаўнікоў Ганна Канапацкая прэзэнтавала грамадзкасьці законапраект аб выкарыстаньні і ахове бел-чырвона-белага сьцяга.

  • Дакумэнт накіравалі ў міністэрствы культуры, унутраных спраў і юстыцыі.
  • Пра сваё аўтарства на законапраект заяўляў былы студэнт юрыдычнага факультэту БДУ.
  • Раней кампаніямі за наданьне бел-чырвона-беламу сьцягу статусу гісторыка-культурнай каштоўнасьці займаліся «Арт Сядзіба», «Гавары праўду» і «Малады Фронт»​.
  • Дзяржаўным сымбалем Рэспублікі Беларусь бел-чырвона-белы сьцяг быў з 1991 па 1995 год.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG