Лінкі ўнівэрсальнага доступу

Зьявілася пэтыцыя аб спыненьні перасьледу незалежных СМІ

абноўлена

Ператрус у кватэры дырэктара інфармацыйнага агенцтва БелаПАН Алеся Ліпая
Ператрус у кватэры дырэктара інфармацыйнага агенцтва БелаПАН Алеся Ліпая

На сайце Petitions.by 7 жніўня зьявілася пэтыцыя з заклікам спыніць перасьлед рэдакцыяў Tut.by і інфармацыйнага агенцтва БелаПАН.

Што адбылося?

Ад раніцы 7 жніўня Сьледчы камітэт праводзіць ператрусы ў офісах інтэрнэт-парталу Tut.by і інфармацыйнага агенцтва БелаПАН. Прычына: распачатая крымінальная справа за «несанкцыянаваны доступ да інфармацыі». БелТА абвінавачвае кампаніі у незаконных падлучэньнях да платнай падпіскі свайго агенцтва.

Ператрус у офісе інфармацыйнага агенцтва БелаПАН.
Ператрус у офісе інфармацыйнага агенцтва БелаПАН.

Што ў пэтыцыі?

Кіраўніцтва БелТА просяць адклікаць заяву са Сьледчага камітэту і вырашыць пытаньне ў дасудовым парадку;

Сьледчы камітэт — спыніць перасьлед рэдакцыяў і не замінаць працы СМІ.

У пэтыцыі згадваюцца фэйкавыя навіны пра інсульт Аляксандра Лукашэнкі, распаўсюджаныя расейскімі СМІ напрыканцы ліпеня. У звароце да Сьледчага камітэту пэтыцыя прапануе «ў выпадку неабходнасьці» абіраць мэтады, якія не пагражаюць інфармацыйнай бясьпецы краіны.

Пэтыцыю праз тыдзень накіруюць у Адміністрацыю прэзыдэнта і Міністэрства інфармацыі Беларусі.

Аўтар пэтыцыі — лідэр «Гавары праўду» Андрэй Дзьмітрыеў.

Зісер: «Пры абаротах Tut.by эканоміць на падпісцы на БелТА — гэта сьмешна»

Затрыманьні незалежных журналістаў. Што важна ведаць

  • Сьледчы камітэт завёў крымінальную справу за несанкцыянаваны доступ да кампутарнай інфармацыі. Максымальнае пакараньне паводле ч. 2 арт. 349 — абмежаваньне ці пазбаўленьне волі на тэрмін да 2 гадоў.
  • 7–8 жніўня прайшлі ператрусы ў офісах Tut.by, БелаПАН, Realt.by, газэты «Культура» і ТАА «Айціві». Таксама па справе праходзіць выдавецкі дом «Беларуская навука».
  • Вядома, што цягам 7–9 жніўня затрымалі 17 журналістаў. Іх вызвалялі пасьля допыту ў СК.
  • 9 жніўня СК заявіў, што галоўная рэдактарка Tut.by Марына Золатава прызнала віну.
  • Падставай для завядзеньня крымінальнай справы паслужыла паведамленьне БелТА пра збоі ў кліентаў пры доступе да платнай падпіскі на паслугі.
  • Платная падпіска БелТА каштуе 612 рублёў на месяц.
  • Хто асудзіў затрыманьні журналістаў і ператрусы ў рэдакцыях. Сьпіс​
  • У чэрвені 2018 году супраць кіраўніка БелаПАН Алеся Ліпая завялі крымінальную справу за ўхіленьне ад сплаты падаходнага падатку.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG