Лінкі ўнівэрсальнага доступу

«Лябараторыя Касьперскага» падала новы пазоў у амэрыканскі суд


«Лябараторыя Касперскага» зьвярнулася ў суд у ЗША з патрабаваньнем адмяніць распараджэньне Міністэрства ўнутранай бясьпекі краіны аб забароне прадуктаў кампаніі ў амэрыканскіх дзяржаўных структурах. У кампаніі сьцьвярджаюць, што распараджэньне міністэрства парушае права на належны судовы разгляд, гарантаванае Канстытуцыяй ЗША.

Улетку 2017 году ўлады ЗША забаранілі ўрадавым структурам краіны выкарыстоўваць праграмы «Лябараторыі Касьперскага» праз падазрэньне ў сувязях з Крамлём і расейскімі спэцслужбамі. «Лябараторыя Касьперскага» супрацоўніцтва адмаўляе.

18 сьнежня кампанія падала пазоў у суд з патрабаваньнем адмяніць дырэктыву. Цяпер забарона працягвае дзейнічаць, таму «Лябараторыя Касьперскага» накіравала хадайніцтва з просьбай прыпыніць дзеяньне дырэктывы на час разбору. Кампанія спадзяецца, што хадайніцтва паскорыць разгляд асноўнага пазову.

WSJ: расейскія хакеры атрымалі доступ да дадзеных АНБ з дапамогай «Антывіруса Касьперскага»

У канцы кастрычніка 2017 году «Лябараторыя Касьперскага» прызнала, што іх прадукт загрузіў у «воблака» архіў з файламі, пазначанымі як сакрэтныя. Кіраўнік кампаніі Яўгеній Касьперскі заявіў, што файлы былі атрыманы «выпадкова» і выдалены адразу ж пасьля таго, як яму было ўказана на іх сакрэтны характар.

13 сьнежня 2017 году прэзыдэнт ЗША Дональд Трамп падпісаў закон аб забароне на выкарыстаньне прадукцыі «Лябараторыі Касьперскага» амэрыканскім урадам.

XS
SM
MD
LG