Лінкі ўнівэрсальнага доступу

Ужо сёньня 4 жніўня 2015: Акцыі ў Менску і Вільні ў падтрымку палітвязьняў


ФОТА ДНЯ: Маладзечна, р. Уша. Настасься Арцюкевіч

Падзеі гэтага дня ў Беларусі, сьвеце, гісторыі.

Новае фота кожны дзень, увесь год. Загружайцесюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com. Пажадана дасылаць фота ў прапорцыі 16 на 9. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша:


У Менску на праспэкце Незалежнасьці каля помніка Дзяржынскаму (насупраць КДБ) Аб’яднаная грамадзянская партыя мяркуе правесьці пікет салідарнасьці з палітвязьнямі з патрабаваньнем іх вызваленьня і рэабілітацыі, а таксама памяці выкрадзеных: Юрыя Захаранкі, Віктара Ганчара, Анатоля Красоўскага, Дзьмітрыя Завадзкага.

У Вільні Беларускі дом правоў чалавека імя Барыса Звоскава і Freedom House правядуць на Ратушнай плошчы акцыю ў падтрымку палітвязьняў Беларусі. Акцыя пройдзе ад 13.00 да 13.30, пасьля чаго яе ўдзельнікі з партрэтамі палітвязьняў і плякатамі пройдуць да Беларускага дому правоў чалавека.

У гісторыі:

1859 — нарадзіўся Кнут Гамсун, нарвэскі пісьменьнік, ляўрэат Нобэлеўскай прэміі 1920 году.

1901 — нарадзіўся Луі Армстронг, выбітны амэрыканскі джазавы музыка, лідэр джаз-бэндаў, кампазытар.

1917 — нарадзіўся Янка Брыль, беларускі пісьменьнік.

1945 — былі заснаваныя філіялы Літаратурнага музэю Янкі Купалы ў Вязынцы і Ляўках.

1947 — нарадзіўся Мікалай Селяшчук, беларускі мастак.

1961 — нарадзіўся Барак Абама, 44-ты прэзыдэнт ЗША.

1962 — лідэр Афрыканскага Нацыянальнага Кангрэсу Нэльсан Мандэла пасаджаны ў турму, дзе правёў 28 гадоў. Пасьля выхаду на волю Мандэла стаў прэзыдэнтам ПАР.

У памяці:

1875 — памёр Ганс Хрысьціян Андэрсэн, дацкі пісьменьнік, паэт і казачнік.

1944 — у паўстаньні супраць немцаў у Варшаве загінуў Кшыштаф Каміль Бачыньскі, польскі паэт.

Цытата:

«Пакідаючы дымны водар,
маладосьць раставала шлейфам —
лютым сынам свайго народа
я на краі сьмерці сталею.

Як нажом, яшчэ да зьмярканьня
мне сьвятло перарэжа колам —
і разьбу я прасплю сьляпую,
карабін падклаўшы пад голаў.

Папалам вастрыём расьцяты,
у крыклівым падзеяў гудзе
кіну я галаву — гранатай,
час расьцісьне мне лапай грудзі,

бо жыцьцё напаўняла страхам,
а адвагаю — блізкасьць згубы;
лёс твой — сьмерць, калі веліч справаў
неразумнай любоўю любіш».

Кшыштаф Каміль Бачынскі, фрагмэнт верша «Галавою на карабіне» (пераклад Кацярыны Маціеўскай)

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG