Прадстаўнікі курдзкіх узброеных фармаваньняў заявілі, што перамір’е з Анкарой страціла ўсялякі сэнс з-за начнога авіяналёту на лягеры курдаў на поўначы Іраку.
«Перамір’е больш ня мае сэнсу пасьля гэтых інтэнсіўных авіяўдараў, нанесеных акупацыйнай турэцкай арміяй», — прыводзіць Ройтэрз заяву кіраўніцтва Курдзкай рабочай партыі.
Турцыя ўпершыню ўжыла ваенную сілу супраць курдаў зь вясны 2013 году, калі быў абвешчаны мараторый на ваенныя дзеяньні паміж Турцыяй і курдзкімі паўстанцамі.
Заключэньню перамір’я папярэднічалі цяжкія перамовы, пачатыя годам раней Рэджэпам Таіпам Эрдаганам, які займаў тады пасаду прэм’ер-міністра Турцыі.
Узброены канфлікт паміж курдамі, якія змагаюцца за стварэньне незалежнай дзяржавы, і Турцыяй доўжыцца больш за 30 гадоў, яго ахвярамі сталі больш як 40 тысяч чалавек.
Самае папулярнае
1
