Празь некалькі дзён пасьля таго, як ініцыятыва «Не рабунку!» пакінула праспэкт Баграмяна ў Ерэване, там сфармавалася новая група каардынатараў. Дырэктар армянскай службы Радыё Свабода Грайр Тамразян кажа, што актывісты пратэстаў вырашылі працягваць сваю акцыю да канца.
Сябры ініцыятывы прапануюць сфармаваць групы хуткага рэагаваньня, па падтрыманьні грамадзкага парадку, інфармацыйныя, эканамічныя і прававыя. Тры патрабаваньні захоўваюцца: адмяніць павышэньне тарыфу на электрычнасьць, перагледзець леташні тарыф у бок яго зьніжэньня, пакараць прадстаўнікоў паліцыі, якія далі загад і ажыцьцявілі гвалт у дачыненьні да дэманстрантаў і журналістаў раніцай 23 чэрвеня пры разгоне акцыі пратэсту.
Новая ініцыятыва ня мае назвы. Сябры ініцыятывы хочуць даць новы імпульс руху і кажуць, што ня будуць дыктаваць індывідуальных рашэньняў.
Яшчэ на гэтую тэму
Самае папулярнае
1
