Мясцовыя ўлады дазволілі пікет. Заяву на ягонае правядзеньне падавалі ў гарвыканкам сябры Сацыял-дэмакратычнай партыі "Народная грамада" Ўладзімер Зуеў і Юлія Плотнікава ды старшыня Баранавіцкага аддзяленьня Фонду "Дзецям Чарнобылю" Натальля Скоблікава.
Да ўдзелу ў акцыі ахвотна далучыліся іншыя дэмакратычныя арганізацыі — мясцовая філія БНФ "Адраджэньне", Фонд імя братоў Луцкевічаў, "Маладыя сацыял-дэмакраты".
Падчас 3-гадзінавай акцыі, якая праходзіла ў Маладым парку, раздавалі ўлёткі экалягічныя тэматыкі і спэцвыпуск газэты "Рабочы". "Мы — супраць ядзернай пагрозы, мы супраць замежных вайсковых базаў, мы супраць скарачэньня Чарнобыльскіх праграмаў", — гаварылі плякаты.
