Яўген Парчынскі хацеў абскардзіць забарону на правядзеньне акцыі да Дня Волі, падпісаную намесьнікам старшыні наваполацкага гарвыканкаму Вячаславам Дурновым. Але суд пастанавіў, што чыноўнік мае рацыю.
Паводле Яўгена Парчынскага, аднаго з ініцыятараў стварэньня грамадзкага аб’яднаньня "Вольны рэгіён", акцыю да Дня Волі забаранілі праз тое, што там меркавалася выказаць салідарнасьць з палітвязьнямі, пакаранымі за ўдзел у менскіх падзеях 19 сьнежня:
"Мне прыйшоў адказ за подпісам намесьніка старшыні наваполацкага гарвыканкаму Вячаслава Дурнова, дзе было напісана, што менская акцыя 19 сьнежня была "антыканстытуцыйнай". І таму выказваць салідарнасьць з затрыманымі і пакаранымі яе ўдзельнікамі нам забаронена. Такі адказ я атрымліваю ўжо трэці раз: тое самае чыноўнікі гарвыканкаму пісалі, калі я прасіў дазволу на звычайныя акцыі салідарнасьці. Але апошні выпадак асаблівы: 25 сакавіка мы ў першую чаргу зьбіраліся віншаваць землякоў з Днём Волі, а выказваньне салідарнасьці з палітзьняволенымі было дадатковай нашай мэтай".
Яўген Парчынскі зьвярнуўся ў суд, бо тлумачэньне наконт "антыканстытуцыйнасьці" менскіх падзеяў яго не задавальняе: па-першае, афіцыйнага азначэньня характару менскай акцыі ў сакавіку яшчэ не было — яе ўдзельнікаў судзілі і прызналі вінаватымі ўжо пазьней. Па-другое, такой падставы для адмовы няма ў заканадаўстве аб масавых акцыях. Па-трэцяе, намесьнік старшыні наваполацкага гарвыканкаму Вячаслаў Дурноў чамусьці напісаў, што абскарджваць ягонае рашэньне трэба не ў судзе , а ў аблвыканкаме, які ня мае такое кампэтэнцыі.
Таму актывіст меркаваў ня толькі абскардзіць саму забарону, але і прасіў суд даць належную юрыдычную ацэнку незаконным парадам чыноўніка.
Але судзьдзя Алена Верташонак пастанавіла, што адмова старшыні гарвыканкаму мела пад сабой усе падставы, а пытаньне наконт абскарджаньня ў аблвыканкаме проста праігнаравала.
Вячаслаў Дурноў на суд не зьявіўся, і ягоныя інтарэсы прадстаўляў кіраўнік ідэалягічнага аддзелу Аляксандар Бабкоў.
З судовай залі быў выдалены полацкі актывіст Віктар Калесьнік. Спачатку судзьдзя Алена Верташонак не дазволіла яму быць грамадзкім прадстаўніком Яўгена Парчынскага, а потым загадала выйсьці, абвінаваціўшы ў непавазе да суду.
Віктар Калесьнік кажа, што быў уражаны тым, на якой падставе чыноўнікі наваполацкага гарвыканкаму вызначылі, што пасьлявыбарчая акцыя ў Менску была "антыканстытуцыйнай":
"Яны спасылаліся на ацэнку акцыі ў СМІ, а дакладней, у "Советской Белоруссии": маўляў, раз там напісана "антыканстытуцыйная", значыць, так і было. Без суду і сьледзтва!".
Паводле Яўгена Парчынскага, аднаго з ініцыятараў стварэньня грамадзкага аб’яднаньня "Вольны рэгіён", акцыю да Дня Волі забаранілі праз тое, што там меркавалася выказаць салідарнасьць з палітвязьнямі, пакаранымі за ўдзел у менскіх падзеях 19 сьнежня:
"Мне прыйшоў адказ за подпісам намесьніка старшыні наваполацкага гарвыканкаму Вячаслава Дурнова, дзе было напісана, што менская акцыя 19 сьнежня была "антыканстытуцыйнай". І таму выказваць салідарнасьць з затрыманымі і пакаранымі яе ўдзельнікамі нам забаронена. Такі адказ я атрымліваю ўжо трэці раз: тое самае чыноўнікі гарвыканкаму пісалі, калі я прасіў дазволу на звычайныя акцыі салідарнасьці. Але апошні выпадак асаблівы: 25 сакавіка мы ў першую чаргу зьбіраліся віншаваць землякоў з Днём Волі, а выказваньне салідарнасьці з палітзьняволенымі было дадатковай нашай мэтай".
Яўген Парчынскі зьвярнуўся ў суд, бо тлумачэньне наконт "антыканстытуцыйнасьці" менскіх падзеяў яго не задавальняе: па-першае, афіцыйнага азначэньня характару менскай акцыі ў сакавіку яшчэ не было — яе ўдзельнікаў судзілі і прызналі вінаватымі ўжо пазьней. Па-другое, такой падставы для адмовы няма ў заканадаўстве аб масавых акцыях. Па-трэцяе, намесьнік старшыні наваполацкага гарвыканкаму Вячаслаў Дурноў чамусьці напісаў, што абскарджваць ягонае рашэньне трэба не ў судзе , а ў аблвыканкаме, які ня мае такое кампэтэнцыі.
Таму актывіст меркаваў ня толькі абскардзіць саму забарону, але і прасіў суд даць належную юрыдычную ацэнку незаконным парадам чыноўніка.
Але судзьдзя Алена Верташонак пастанавіла, што адмова старшыні гарвыканкаму мела пад сабой усе падставы, а пытаньне наконт абскарджаньня ў аблвыканкаме проста праігнаравала.
Вячаслаў Дурноў на суд не зьявіўся, і ягоныя інтарэсы прадстаўляў кіраўнік ідэалягічнага аддзелу Аляксандар Бабкоў.
З судовай залі быў выдалены полацкі актывіст Віктар Калесьнік. Спачатку судзьдзя Алена Верташонак не дазволіла яму быць грамадзкім прадстаўніком Яўгена Парчынскага, а потым загадала выйсьці, абвінаваціўшы ў непавазе да суду.
Віктар Калесьнік кажа, што быў уражаны тым, на якой падставе чыноўнікі наваполацкага гарвыканкаму вызначылі, што пасьлявыбарчая акцыя ў Менску была "антыканстытуцыйнай":
"Яны спасылаліся на ацэнку акцыі ў СМІ, а дакладней, у "Советской Белоруссии": маўляў, раз там напісана "антыканстытуцыйная", значыць, так і было. Без суду і сьледзтва!".