Жанчына 1968 году нараджэньня зьнікла ўвечары 1 студзеня, калі плавала ў гідракасьцюме разам з групай у рацэ Тулома, што ўпадае ў Баранцава мора. Быў мароз і кепскае надвор’е. Хутчэй за ўсё, яе зьнесла плыньню.
Ратавальнікі шукалі беларуску да 11 студзеня, яны пешшу і зь верталётаў агледзелі 229 км уздоўж берагу, паведаміў 51.ru з спасылкай на мясцовае МНС. Але празь нізкую бачнасьць у тумане, марозы пад 20 градусаў, а таксама складаную лёдавую абстаноўку вырашылі адкласьці пошукі да лепшых умоў.
Сьледчы камітэт Мурманскай вобласьці завёў крымінальную справу супраць арганізатара гэтай зімовай забавы. Як паказала праверка, кліентам выдавалі гідракасьцюмы з скончаным тэрмінам прыдатнасьці, а дакумэнтаў пра абавязковы агляд рыштунку не было.
Форум