Гэты закрыты сэмінар на вышэйшым узроўні, на які былі запрошаныя і прадстаўнікі беларускіх недзяржаўных арганізацыяў, адбыўся у Вільні паводле прапановы міністра замежных спраў Літвы Антанаса Валёніса.
У сэмінары брала удзел Бэніта Фэрэра-Валднэр, сябра Эўрапейскай Камісіі, адказная за замежныя сувязі і палітыку з суседзямі Эўразьвязу.
Эўрапейскі камісар сказала, што гэта “новы імпульс для супольнасьці міжнародных донараў у памкненьні аб’яднаць высілкі, каб дапамагчы Беларусі даць рады праблемам, зь якімі сутыкаецца гэтая краіна.”
Бэніта Фэрэра-Валднэр сказала беларускай службе Радыё Свабода:
(Фэрэра-Валднэр: ) “Вядома, палітыка суседзкіх дачыненьняў звычайна прадугледжвае так званы Плян дзеяньняў Эўразьвязу для падтрымкі дэмакратыі у Беларусі. Мы маем такія пляны з Украінай і Малдовай. На жаль, зь Беларусьсю мы ня можам мець гэткі Плян дзеяньняў – няма умоваў, якія б нас аб’ядноўвалі. Але нашая стратэгія ясна акрэсьленая: з аднаго боку, мы будзем працаваць дзеля насельніцтва Беларусі, з жыхарамі Беларусі – мы хацелі б не забывацца пра іх. З другога боку, мы будзем працаваць дзеля грамадзянскай супольнасьці. Гэта нашая стратэгія. Няма неабходнасьці мець адмысловы Плян дзеяньняў для гэтага”.
Мэта віленскага сэмінару – палепшыць каардынацыю у справах дапамогі Эўразьвязу і іншых донараў дзеля дэмакратызацыі Беларусі, дзеля яе жыхароў і грамадзянскай супольнасьці.
(Фэрэра-Валднэр: ) “Недзяржаўныя арганізацыі, сродкі масавай інфармацыі могуць зьвяртацца са сваімі прапановамі паводле існуючай працэдуры, якая насамрэч вельмі добра наладжаная. Я асабіста адчуваю адказнасьць за кожны цэнт зь бюджэту Эўрапейскага Зьвязу. Мы маем 5 мільёнаў эўра, якія могуць быць выкарыстаныя гэткім шляхам адпаведна дзьвюм праграмам, апрача ТАСІС, для якой вылучана сёлета яшчэ 12 мільёнаў – гэта для беларускага насельніцтва, для жыхароў Беларусі”.
Эўрапейскі камісар Бэніта Фэрэра-Валднэр у Вільні таксама сустрэлася з прэзыдэнтам Літвы Валдасам Адамкусам, прэм''ер-міністрам Альгірдасам Бразаўскасам, старшынём Сойму Артурасам Паўлаўскасам, міністрам замежных спраў Літвы Антанасам Валёнісам.
Асноўнай тэмай усіх гэтых сустрэчаў была палітыка эўрапейскага дабрасуседзтва, дачыненьні з суседзямі Эўразьвязу, – Беларусьсю і Украінай.
У сэмінары брала удзел Бэніта Фэрэра-Валднэр, сябра Эўрапейскай Камісіі, адказная за замежныя сувязі і палітыку з суседзямі Эўразьвязу.
Эўрапейскі камісар сказала, што гэта “новы імпульс для супольнасьці міжнародных донараў у памкненьні аб’яднаць высілкі, каб дапамагчы Беларусі даць рады праблемам, зь якімі сутыкаецца гэтая краіна.”
Бэніта Фэрэра-Валднэр сказала беларускай службе Радыё Свабода:
(Фэрэра-Валднэр: ) “Вядома, палітыка суседзкіх дачыненьняў звычайна прадугледжвае так званы Плян дзеяньняў Эўразьвязу для падтрымкі дэмакратыі у Беларусі. Мы маем такія пляны з Украінай і Малдовай. На жаль, зь Беларусьсю мы ня можам мець гэткі Плян дзеяньняў – няма умоваў, якія б нас аб’ядноўвалі. Але нашая стратэгія ясна акрэсьленая: з аднаго боку, мы будзем працаваць дзеля насельніцтва Беларусі, з жыхарамі Беларусі – мы хацелі б не забывацца пра іх. З другога боку, мы будзем працаваць дзеля грамадзянскай супольнасьці. Гэта нашая стратэгія. Няма неабходнасьці мець адмысловы Плян дзеяньняў для гэтага”.
Мэта віленскага сэмінару – палепшыць каардынацыю у справах дапамогі Эўразьвязу і іншых донараў дзеля дэмакратызацыі Беларусі, дзеля яе жыхароў і грамадзянскай супольнасьці.
(Фэрэра-Валднэр: ) “Недзяржаўныя арганізацыі, сродкі масавай інфармацыі могуць зьвяртацца са сваімі прапановамі паводле існуючай працэдуры, якая насамрэч вельмі добра наладжаная. Я асабіста адчуваю адказнасьць за кожны цэнт зь бюджэту Эўрапейскага Зьвязу. Мы маем 5 мільёнаў эўра, якія могуць быць выкарыстаныя гэткім шляхам адпаведна дзьвюм праграмам, апрача ТАСІС, для якой вылучана сёлета яшчэ 12 мільёнаў – гэта для беларускага насельніцтва, для жыхароў Беларусі”.
Эўрапейскі камісар Бэніта Фэрэра-Валднэр у Вільні таксама сустрэлася з прэзыдэнтам Літвы Валдасам Адамкусам, прэм''ер-міністрам Альгірдасам Бразаўскасам, старшынём Сойму Артурасам Паўлаўскасам, міністрам замежных спраў Літвы Антанасам Валёнісам.
Асноўнай тэмай усіх гэтых сустрэчаў была палітыка эўрапейскага дабрасуседзтва, дачыненьні з суседзямі Эўразьвязу, – Беларусьсю і Украінай.
