Справу Сяргея Каваленкі суддзя Міхаіл Зубеня разьбіраў два дні запар. Паглядзеўшы відэазапіс, зроблены міліцыянтамі ўчора падчас жалобнай імпрэзы каля вёскі Паляі, ён прызнаў актывіста вінаватым за ўдзел у несанкцыянаванай акцыі. Падставай для абвінавачаньня сталася тое, што Сяргей Каваленка трымаў бел-чырвона-белы сьцяг.
Паколькі хлопец сёлета ўжо двойчы быў затрыманы са сьцягам у руках, за паўторны ўдзел у несанкцыянаванай акцыі судзьдзя прызначыў яму пакараньне памерам 20 базавых велічынь.
Такі самы штраф судзьдзя Тацяна Дзегцярова прысудзіла Сяргею Белазеку, справу якога яна мелася разглядаць толькі 6-га лістапада.
Сяргей Белазека прыйшоў у суд, каб падтрымаць Сяргея Каваленку. Але судзьдзя, сустрэўшы яго ў калідоры, заявіла, што "якраз мае вольную гадзінку". За гэты час яна й пасьпела аштрафаваць хлопца на тыя самыя 20 базавых велічыняў, таксама абвінаваціўшы яго на падставе прагледжанага апэратыўнага відэазапісу.
Міліцыянты здымалі, як група жыхароў Віцебска прыехала ў вёску Паляі, каб усталяваць крыж памяці расстраляных тут ахвяр сталінізму. На аўтастаянцы пяцёра мясцовых актывістаў разгарнулі бел-чырвона-белыя сьцягі, каб прайсьці пад імі некалькі дзесяткаў мэтраў да месца трагедыі. Супрацоўнікі міліцыі затрымалі ўсіх прысутных, у тым ліку траіх журналістаў, заявіўшы, што усе яны – удзельнікі несанкцыянаванай акцыі.
У пастарунку міліцыянты перапісалі асабістыя дадзеныя кожнага затрыманага, а пяцёх актывістаў, якія несьлі сьцягі, завезьлі ў суд. Учора Барысу Хамайду, Яну Таўпыгу, а сёньня Сяргею Каваленку і Сяргею Белазеку прысудзілі па 620 тысяч штрафу. Зьміцер Якаўлеў атрымаў 31 тысячу штрафу – толькі за тое, што міліцыянты засьведчылі ягоную вінаватасьць у пратаколе, бо на відаэзапісе не відаць, каб ён трымаў бел-чырвона-белы сьцяг.
Віцебск: Дзяды адзначылі ў пастарунку і ў судзе , 30.10.2007 Віцебскія актывісты ўсклалі кветкі на месцы масавых расстрэлаў , 28.10.2007
Паколькі хлопец сёлета ўжо двойчы быў затрыманы са сьцягам у руках, за паўторны ўдзел у несанкцыянаванай акцыі судзьдзя прызначыў яму пакараньне памерам 20 базавых велічынь.
Такі самы штраф судзьдзя Тацяна Дзегцярова прысудзіла Сяргею Белазеку, справу якога яна мелася разглядаць толькі 6-га лістапада.
Сяргей Белазека прыйшоў у суд, каб падтрымаць Сяргея Каваленку. Але судзьдзя, сустрэўшы яго ў калідоры, заявіла, што "якраз мае вольную гадзінку". За гэты час яна й пасьпела аштрафаваць хлопца на тыя самыя 20 базавых велічыняў, таксама абвінаваціўшы яго на падставе прагледжанага апэратыўнага відэазапісу.
Міліцыянты здымалі, як група жыхароў Віцебска прыехала ў вёску Паляі, каб усталяваць крыж памяці расстраляных тут ахвяр сталінізму. На аўтастаянцы пяцёра мясцовых актывістаў разгарнулі бел-чырвона-белыя сьцягі, каб прайсьці пад імі некалькі дзесяткаў мэтраў да месца трагедыі. Супрацоўнікі міліцыі затрымалі ўсіх прысутных, у тым ліку траіх журналістаў, заявіўшы, што усе яны – удзельнікі несанкцыянаванай акцыі.
У пастарунку міліцыянты перапісалі асабістыя дадзеныя кожнага затрыманага, а пяцёх актывістаў, якія несьлі сьцягі, завезьлі ў суд. Учора Барысу Хамайду, Яну Таўпыгу, а сёньня Сяргею Каваленку і Сяргею Белазеку прысудзілі па 620 тысяч штрафу. Зьміцер Якаўлеў атрымаў 31 тысячу штрафу – толькі за тое, што міліцыянты засьведчылі ягоную вінаватасьць у пратаколе, бо на відаэзапісе не відаць, каб ён трымаў бел-чырвона-белы сьцяг.
Віцебск: Дзяды адзначылі ў пастарунку і ў судзе , 30.10.2007 Віцебскія актывісты ўсклалі кветкі на месцы масавых расстрэлаў , 28.10.2007