Набытая карціна выкананая ў тэхніцы алейнага жывапісу на дошцы. Яна мае авальную форму і падпісаная аўтарам.
Карціна называецца «Партрэт жанчыны», датуецца 1918–1920 гадамі. Гэта раньні парыскі пэрыяд творчасьці мастака, калі ён яшчэ жыў у інтэрнаце бедных мастакоў «La Ruche» («Вулей») і толькі пачынаў набываць прызнаньне.
«Вяртаньне імёнаў мастакоў Парыскай школы — гэта ня толькі праца зь мінулым і з нашай гістарычнай памяцьцю, калі мы аднаўляем забытыя ці невядомыя старонкі і постаці. Лёс і творчасьць Кікоіна даюць нам новы доказ таго, што Беларусь была часткай эўрапейскай культуры і зрабіла значны ўнёсак у яе разьвіцьцё», — сказаў кіраўнік ініцыятывы Maldzis Павал Мацукевіч.
Твор Кікоіна набылі на сродкі Паўла Данэйкі, Івана Шылы, а таксама мэцэнаткі, якая пажадала застацца неназванай.
7 лістапада карціну можна будзе пабачыць на канфэрэнцыі TEDxUlicaMińskaWomen у Варшаве.
У будучыні карціну плянуюць перадаць у Музэй гісторыі Гомля ў якасьці грамадзкага падарунка. У гомельскіх музэях няма жывапісных твораў Кікоіна.
Што вядома пра ініцыятыву Maldzis
Maldzis — супольнасьць, якая вяртае беларусам страчаную спадчыну.
Maldzis бачыць сваю місію ў аб’яднаньні беларусаў вакол культурнай спадчыны і ўмацаваньні вобраза Беларусі як эўрапейскай краіны.
Ініцыятыва атрымала назву ў гонар дзеяча культуры і навукоўца Адама Мальдзіса (1932–2022), які шукаў і вяртаў з забыцьця страчаныя каштоўнасьці і імёны Беларусі і ініцыятыва Maldzis працягвае гэтую справу.
Форум