Аб гэтым піша «Коммерсант» са спасылкай на крыніцы.
«Тыя запчасткі, якія немагчыма атрымаць з-за мяжы, мы стараемся кампэнсаваць за кошт разборкі іншай прадукцыі, так званых донараў», – пацьвердзіў выданьню гендырэктар Acer у Расеі Дзьмітрый Краўчанка.
Ён дадаў, што раней каля 90 % рамонтаў праводзілі на працягу пяці рабочых дзён, але цяпер гэтыя тэрміны могуць павялічыцца ў залежнасьці ад даступнасьці запчастак.
Пасьля пачатку вайны ва Ўкраіне шэраг вытворцаў тэхнікі заявілі, што спыняюць пастаўкі сваіх гаджэтаў і запчастак на тэрыторыю Расеі, сярод іх былі Apple, Samsung, Dell, Asus і іншыя.
