Лінкі ўнівэрсальнага доступу

12 новых палітвязьняў; Лукашэнка заявіў, што Беларусі непатрэбныя заходнія вакцыны ад COVID-19. Найважнейшае за 26 кастрычніка


Яўген Юшкевіч, былы сьледчы СК, прызнаны палітвязьнем
Яўген Юшкевіч, былы сьледчы СК, прызнаны палітвязьнем

Падзеі 26 кастрычніка

Цяпер у Беларусі 833 прызнаныя палітычныя вязьні

Улады працягваюць перасьледаваць грамадзян Беларусі за выказваньне палітычных поглядаў і неляяльнасьць да сілавікоў

У Гомлі 25 кастрычніка прайшла хваля затрыманьняў, пад якую трапілі амаль 30 чалавек. На затрыманых склалі пратаколы нібыта за падпіску на «экстрэмісцкія» каналы

Пяты пакет санкцыяў супраць рэжыму Аляксандра Лукашэнкі будзе накіраваны найперш супраць асобаў і кампаніяў, адказных за перапраўку мігрантаў з краінаў Блізкага Ўсходу і Афрыкі ў ЭЗ праз тэрыторыю Беларусі

Лукашэнка заявіў, што ня бачыць сэнсу завозіць у Беларусь заходнія вакцыны ад кавіду. Ён лічыць, што прадстаўленыя ў Беларусі расейская і кітайская вакцыны зарэкамэндавалі сябе значна лепш за заходнія аналягі

Лідэры дэмакратычных сіл Беларусі накіравалі ліст кіраўнікам краін Эўразьвязу і арганізацыі COVAX з заклікам тэрмінова аказаць дапамогу Беларусі ў памеры мінімум 1 мільёну дозаў вакцын

Сьвятлана Ціханоўская ў інтэрвію радыёстанцыі «Эхо Москвы» паразважала пра плён заходніх санкцый у дачыненьні да Лукашэнкі і ягонага атачэньня, а таксама ацаніла пэрспэктывы дыялёгу ўлады і апазыцыі

25 кастрычніка Натальлю Мацкевіч, абаронцу палітвязьняў Віктара Бабарыкі, Мікалая Дзядка, Сяргея Ціханоўскага, пазбавілі адвакацкага статусу. На чацьвер 28 кастрычніка прызначана камісія Мін’юсту, на якую выклікаюць апошняга з чатырох адвакатаў Віктара Бабарыкі Яўгена Пыльчанку, а таксама і адвакатаў Эдуарда Бабарыкі

Наступленьні на свабоду слова і правы чалавека ў Беларусі былі галоўнымі тэмамі канфэрэнцыі, якая праводзілася ў віртуальным рэжыме з ініцыятывы ААН. У ёй узялі ўдзел Сьвятлана Алексіевіч, прадстаўнікі Камітэту абароны журналістаў і праваабаронцы арганізацыі Human Rights Watch

На Генэральнай Асамблеі ААН выступіла спэцыяльная дакладчыца арганізацыі аб правах чалавека ў Беларусі Анаіс Марэн. Яна засяродзіла ўвагу на паўсюдных парушэньняў уладамі правоў жанчын, ціску на свабоду СМІ і навуковую галіну

Дзякуючы ўдзелу польскіх спэцслужбаў заблякавалі першыя міграцыйныя форумы, якія на Facebook заклікалі да незаконнай дзейнасьці

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG