Лінкі ўнівэрсальнага доступу

У штабе Цапкалы заявілі, што абскардзяць адбракаваныя выбаркамамі подпісы за яго вылучэньне


Валер Цапкала

Штаб экс-кіраўніка Парку высокіх тэхналёгій, былога чыноўніка і дыплямата Валерыя Цапкалы мае намер абскардзіць рашэньні тэрытарыяльных выбарчых камісій, якія забракавалі подпісы за яго вылучэньне кандыдатам у прэзыдэнты, паведаміў БелаПАН прэс-сакратар Цапкалы Аляксей Урбан.

УЖЫВУЮ Выбары-2020. Як праходзіць прэзыдэнцкая кампанія падчас пандэміі

«Вядома, абавязкова мы будзем усё абскарджваць. Мы здавацца або спыняцца не зьбіраемся», — заявіў Урбан.

Паводле яго, Цапкала цяпер абмяркоўвае з чальцамі свайго штабу плян далейшых дзеяньняў. Таксама чакаецца заява Цапкалы наконт сытуацыі з забракаванымі подпісамі за ягонае вылучэньне.

30 чэрвеня ЦВК апублікаваў табліцу са зьвесткамі пра колькасьць прынятых подпісаў за вылучэньне кандыдатаў у прэзыдэнты. У адпаведнасьці зь ёй за вылучэньне Валерыя Цапкала сапраўднымі прызналі 75 249 подпісаў выбарнікаў. Сам Цапкала раней заяўляў, што яго каманда здала ў тэрытарыяльныя выбаркамы 160 тысяч подпісаў, а ўсяго іх сабралі 200 тысяч.

Прэзыдэнцкія выбары — 2020 у Беларусі. Што важна ведаць

УЖЫВУЮ Выбары-2020. Як праходзіць прэзыдэнцкая кампанія падчас пандэміі

  • Шостыя ў гісторыі сувэрэннай Беларусі выбары прэзыдэнта прызначаныя на нядзелю, 9 жніўня 2020 году.
  • 65-гадовы Аляксандар Лукашэнка кіруе дзяржавай 25 гадоў. Ніводныя прэзыдэнцкія выбары (2001, 2006, 2010, 2015), апроч першых (1994 год), не прызналі свабоднымі і справядлівымі на міжнародным узроўні.
  • Старшыня ЦВК адхіліла прапановы праваабаронцаў аб дыстанцыйных прэзыдэнцкіх выбарах у час эпідэміі COVID-19, бо «часу для прыняцьця гэтых захадаў ужо няма». Лукашэнка ня бачыў падставаў пераносіць выбары праз пандэмію.
  • ЦВК зарэгістраваў 15 ініцыятыўных груп з 55 заявак. Кандыдат у прэзыдэнты на выбарах-2010 Мікола Статкевіч зьбіраўся зарэгістраваць 30 «кандыдатаў пратэсту», каб мець магчымасьць зьбіраць людзей на вуліцах, але ня ўдзельнічаць ў саміх выбарах. Яго і амаль усіх ягоных паплечнікаў не дапусьцілі да збору подпісаў — зарэгістравалі толькі групу Ўладзімера Няпомняшчых.
  • Аўтару YouTube-канала «Страна для жизни» Сяргею Ціханоўскаму Цэнтральная выбарчая камісія адмовіла ў рэгістрацыі ініцыятыўнай групы, бо ён адбываў 15 сутак арышту і ня мог асабіста падаць дакумэнты. Тады сваю ініцыятыўную групу ў ЦВК заявіла жонка блогера Сьвятлана Ціханоўская.
  • 29 траўня на перадвыбарчым пікеце жонкі затрымалі Ціханоўскага і яшчэ 9 чалавек. Лукашэнка казаў пра акалічнасьці затрыманьня за 4 гадзіны да таго, як яно адбылося.
  • 11 чэрвеня ў «Белгазпрамбанку» і шэрагу іншых кампаній прайшлі ператрусы. У Камітэце дзяржкантролю заявілі, што завялі крымінальныя справы аб легалізацыі сродкаў, атрыманых злачынным шляхам, і аб ухіленьні ад сплаты падаткаў у асабліва буйным памеры. Старшыня КДК Іван Тэртэль сьцьвярджаў, што да гэтых спраў мае дачыненьне патэнцыйны кандыдат у прэзыдэнты Віктар Бабарыка. Роўна за 4 гадзіны да заявы Дзяржкантролю Аляксандар Лукашэнка расказаў пра акалічнасьці «справы „Белгазпрамбанку“». 18 чэрвеня Віктара Бабарыку і яго сына, кіраўніка ініцыятыўнай групы Эдуарда Бабарыку затрымалі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG