Лінкі ўнівэрсальнага доступу

Падчас пратэсту ў Менску, 14 ліпеня 2020
Падчас пратэсту ў Менску, 14 ліпеня 2020

Людзі выйшлі на вуліцы пасьля нерэгістрацыі Бабарыкі і Цапкалы. Адбыліся затрыманьні

Усё, што варта ведаць пра выбарчую кампанію ў Беларусі, якая адбываецца ва ўмовах пандэміі каранавірусу.

На Нямізе затрымалі журналістаў Tut.by

Падчас асьвятленьня акцый пратэсту ў Менску затрымалі журналістаў Tut.by Усевалада Зарубіна і Аляксея Суднікава, якія працавалі на скрыжаваньні вуліц Раманаўская Слабада і Няміга.

Месцазнаходжаньне журналістаў невядома. Суднікава затрымалі друг раз за вечар. Першы раз журналіста затрымалі а 20:00 на праспэкце Незалежнасьці і праз 10 хвілін адпусьцілі.

Паводле тэлеграм-каналу «Мая краіна Беларусь», людзі дагэтуль застаюцца стаяць на Нямізе.

«Вясна» паведамляе пра 110 затрыманых.

Жорсткая спроба затрыманьня на Нямізе.

Да 20 чалавек затрымалі амапаўцы ў Новай Баравой пад Менскам, — напісаў тамтэйшы жыхар.

АМАП гоніцца за людзьмі ў Новай Баравой
АМАП гоніцца за людзьмі ў Новай Баравой

Як пратэстоўцы адбівалі людзей у міліцыі. ВІДЭА

З Цэнтральнага РАУС у Менску выпусьцілі журналістаў Радыё Свабода і Эўрарадыё.

Вось як іх затрымлівалі.

У Берасьці люзі ідуць па ходніку пад гукі песьні Віктара Цоя «Перемен». Аўтамабілісты сыгналяць.

Менск: Людзі на Нямізе і ня думаюць разыходзіцца. Працягваюцца сутычкі паміж АМАПам, а таксама праваахоўнікамі ў цывільным і ўдзельнікамі акцыі. Відавочцы ў сацсетках паведамляюць, што на Нямізе затрымліваюць нават выпадковых наведнікаў KFC.

Працягваюць «прагульвацца» і па праспэкце Незалежнасьці, але тут людзей менш.

Людзі на Нямізе скандуюць «Сыходзь!»

АМАП перакрыў Савецкую вуліцу ў цэнтры Берасьця

На праспэкце Незалежнасьці і прылеглых вуліцах у цэнтры Менску адключылі асьвятленьне

Некалькі соцень чалавек ідуць па праспэкце Пераможцаў у Менску, іх адціскае АМАП у бок стэлы «Менск — горад-герой».

Станцыю мэтро Няміга закрылі.

«Вясна»: прынамсі 60 затрыманых у Менску

Праваабарончы цэнтар «Вясна» паведамляе, што ім вядомыя імёны прынамсі 60 затрыманых у сталіцы Беларусі

АМАП разганяе і затрымлівае пратэстоўцаў з абодвух бакоў вуліцы Багдановіча ў Менску. Унутраныя войскі хапаюць людзей, «зачышчаючы» спуск ад Верхняга гораду да Нямігі, дзе было некалькі соцень чалавек.

Людзей затрымліваць у менскім прыгарадзе Новая Баравая. Некалькі раварыстаў затрымалі на Кастрычніцкай плошчы, паведамляе «Вясна».

Тым часам менскія раварысты занялі Кастрычніцкую плошчу.

Як Беларусь пратэстуе. Дыскусія аналітыкаў ужывую

Апошнія падзеі абмяркоўваюць аглядальнікі Радыё Свабода Юры Дракахруст і Віталь Цыганкоў, і экспэрт Беларускага інстытуту стратэгічных дасьледаваньняў Вадзім Мажэйка.

Загрузіць яшчэ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

XS
SM
MD
LG