Саміт «Усходняга партнэрства», чальцом якога зьяўляецца і Беларусь, пройдзе ў Брусэлі 18 чэрвеня. Пра гэта паведаміў прадстаўнік Украіны пры Эўрапейскім зьвязе, пасол Мікола Тачыцкі.
«Усходняе партнэрства» — ініцыятыва, закліканая разьвіваць інтэграцыйныя сувязі Эўразьвязу з Азэрбайджанам, Армэніяй, Беларусьсю, Грузіяй, Малдовай і Ўкраінай.
Праз праблемы з правамі чалавека і замарожваньнем дачыненьняў з Эўразьвязам у папярэднія гады Беларусь ня ўдзельнічала ў рэалізацыі двухбаковых праектаў у рамках «Усходняга партнэрства».
Першы саміт «Усходняга партнэрства» прайшоў у 2009-м годзе ў Празе.