Лінкі ўнівэрсальнага доступу

Беларускія і расейскія дэсантнікі распачалі вучэньні ля мяжы з ЭЗ


Расейска-беларускія вайсковыя вучэньні ва Ўльянаўску ў 2018 годзе. Ілюстрацыйнае фота.

У Берасьце прыбылі дэсантнікі 106-й гвардзейскай дывізіі з Расеі. З беларускага боку ў вайсковых вучэньнях прымаюць удзел салдаты 38-й асобнай гвардзейскай дэсантна-штурмавой брыгады, паведамляе сайт Мінабароны.

У сумесных беларуска-расейскіх вучэньнях прымуць удзел 900 вайскоўцаў, 250 адзінак баявой тэхнікі, а таксама і авіяцыя. Актыўная фаза вучэньняў пройдзе з 21 да 25 кастрычніка.

Паводле Мінабароны, вайскоўцы будуць вучыцца дэсантавацца, рабіць выведвальныя дзеяньні, весьці агонь з агнявых сродкаў. Заплянавана практычная стральба штурмавой авіяцыі.

Як паведамляе незалежны тэлеканал Белсат, нягледзячы на тое, што вучэньні пачнуцца толькі цяпер, расейскія вайскоўцы знаходзяцца ў Беларусі з 12 кастрычніка. Цягам тыдня беларускі бок ладзіў для іх культурна-забаўляльныя мерапрыемствы. Расейскія вайскоўцы пабывалі ў розных месцах Берасьцейшчыны, наведалі розныя музэі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG