Лінкі ўнівэрсальнага доступу

Прэсавая служба Крамля пацьвердзіла візыт Пуціна ў Беларусь


Уладзімір Пуцін. Архіўнае фота.
Уладзімір Пуцін. Архіўнае фота.

«30 чэрвеня Ўладзімір Пуцін наведае Рэспубліку Беларусь з рабочым візытам, падчас якога возьме ўдзел ва ўрачыстай цырымоніі закрыцьця II Эўрапейскіх гульняў», — гаворыцца ў паведамленьні.

Наведаць цырымонію закрыцьця гульняў Пуціна запрасіў Аляксандр Лукашэнка падчас тэлефоннай размовы 25 чэрвеня. Прэзыдэнты «коратка абмеркавалі двухбаковы парадак дня», паведаміла па выніках гутаркі прэсавая служба Лукашэнкі.

Цырымонія закрыцьця Эўрапейскіх гульняў пройдзе ўвечары 30 чэрвеня на стадыёне «Дынама». На ёй таксама чакаецца прысутнасьць прэзыдэнта Таджыкістану Эмамалі Рахмона, паведамляла раней прэсавая служба Лукашэнкі.

Эўрапейскія гульні — 2019. Што важна ведаць

Другія Эўрапейскія гульні прайшлі у Менску з 21 па 30 чэрвеня 2019 году.

  • На падрыхтоўку і правядзеньне II Эўрапейскіх гульняў Беларусь выдаткавала ня менш за 840 мільёнаў рублёў (каля 400–430 млн даляраў).
  • За два гады да гульняў Аляксандар Лукашэнка заяўляў, што Беларусі трэба будзе затраціць ня болей за 50 млн даляраў плюс дапамогуць эўрапейскія структуры. У кастрычніку 2018 году агучвалі ўдвая большую суму, у чэрвені 2019-га — у пяць з паловай раза большую. Выніковую суму абяцаюць назваць у студзені 2020 году.
  • З квітком на гульні можна было бязь візы трапіць у Беларусь празь любы памежны пункт.
  • Паводле папярэдніх падлікаў, Беларусь за час Эўрапейскіх гульняў наведалі 37 450 турыстаў, зь іх каля 7 тысяч чалавек былі акрэдытаваныя на гульні. Для параўнаньня, на чэмпіянат сьвету па хакеі ў Менск у 2014 годзе прыехалі 80 тысяч замежных турыстаў.​
  • Падчас гульняў у Беларусі працавалі супрацоўнікі МУС Расеі.
  • Адкрыцьцё гульняў прысьвяцілі гісторыі Беларусі, закрыцьцё — сучаснасьці.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG