Лінкі ўнівэрсальнага доступу

6 супрацоўнікаў БелаПАН выклікалі на допыт у «справе БелТА» як падазраваных і сьведкаў


Офіс агенцтва БелаПАН

Акрамя фігурантаў «справы БелТА» — галоўнай рэдактаркі БелаПАН Ірыны Леўшынай і міжнароднай аглядальніцы Тацяны Каравянковай — у Сьледчы камітэт выклікалі іншых супрацоўнікаў агецтва ў якасьці сьведкаў.

21 верасьня на допыце пабываў рэдактар БелаПАН Андрэй Серада. 7 жніўня яго цэлы дзень трымалі ў Сьледчым камітэце, але ён не лічыўся затрыманым, цяпер праходзіць у справе ў якасьці сьведкі.

24 верасьня як сьведкаў для паказаньняў выклікалі журналістаў Аляксея Аляксандрава і Сяргея Каралевіча.

«Сьледчыя паводзіліся карэктна, пытаньні задавалі дастаткова агульныя. Больш сказаць нічога не магу», — пацьвердзіў Свабодзе інфармацыю пра допыт Сяргей Каралевіч.

На 27 верасьня ў Сьледчы камітэт выкліканыя рэдактар Дзьмітры Наважылаў і тэхнічны супрацоўнік агенцтва Раман Салікаў — таксама «даваць паказаньні ў якасьці сьведкаў», — паведаміў Свабодзе Наважылаў.

На чарговы допыт у якасьці падазраванай на 27 верасьня выкліканая Тацяна Каравянкова, а на 28 верасьня — Ірына Леўшына.

7 жніўня Сьледчы камітэт распаўсюдзіў інфармацыю, што «паводле матэрыялаў праверкі, праведзенай супрацоўнікамі МУС, распачатая крымінальная справа на падставе ч. 2 арт. 349 Крымінальнага кодэксу (несанкцыянаваны доступ да кампутарнай інфармацыі, які ўчынены зь іншай асабістай зацікаўленасьці і пацягнуў прычыненьне істотнай шкоды)», — паведамляла прэс-служба СК.

7–9 жніўня ў рэдакцыях незалежных СМІ і ў кватэрах некаторых журналістаў і рэдактараў прайшлі ператрусы. Былі затрыманыя галоўны рэдактар БелаПАН Ірына Леўшына, рэдактары ТАА «ТутБай Мэдыя» Галіна Ўласік і Ганна Ермачонак, уласны карэспандэнт «Нямецкай хвалі» Павел Быкоўскі, рэдактар інтэрнэт-сайту газэты «Белорусы и рынок» Аляксей Жукаў. Усе яны правялі некалькі содняў у ізалятары часовага ўтрыманьня на завулку Акрэсьціна. Перад вызваленьнем зь іх узялі падпіску пра неразгалошваньне. 27 жніўня большасьці падазраваных быў забаронены выезд за мяжу.

«Справа БелТА». Што важна ведаць

Што адбылося. Раніцай 7 жніўня супрацоўнікі Сьледчага камітэту прыйшлі зь ператрусамі ў офісы інтэрнэт-парталу Tut.by і інфармацыйнага агенцтва БелаПАН, а таксама ў кватэры журналістаў гэтых кампаній.

Сьледчыя падчас вобшуку ў офісе Tut.by
Сьледчыя падчас вобшуку ў офісе Tut.by

  • Сьледчы камітэт завёў крымінальную справу за несанкцыянаваны доступ да кампутарнай інфармацыі — платнай падпіскі БелТА (ч. 2 арт. 349 КК).
  • 7–9 жніўня затрымалі 18 журналістаў. Іх вызвалялі пасьля допыту. Пазьней сьледчы камітэт паведаміў, што ў справе 15 фігурантаў.
  • Ператрусы таксама прайшлі ў офісах Realt.by, газэты «Культура» і ТАА «Айціві». Таксама па справе праходзіць выдавецкі дом «Беларуская навука».
  • У лістападзе абвінавачаным выставілі сумы для кампэнсацыі ад 3000 да 17 000 рублёў.
  • Галоўнай рэдактарцы Tut.by Марыне Золатавай выставілі абвінавачаньне ў бязьдзейнасьці адказнай асобы (ч.2 арт. 425 КК — да 5 гадоў зьняволеньня і забарона займаць пэўныя пасады ці займацца пэўнай дзейнасьцю).
  • Да канца лістапада крымінальныя справы супраць 14 абвінавачаных спынілі, бо яны сплацілі шкоду і штраф. Пад крымінальным перасьледам застаўся толькі адзін фігурант — Марына Золатава.

Чым унікальная «справа БелТА». Пяць момантаў

Прадстаўляліся суседзямі, адключалі тэлефоны. Як сьледчыя затрымлівалі журналістаў Tut.by

5 пытаньняў рэдактаркі Tut.by Калтыгінай да Сьледчага камітэту

Мадона, янот і Анджэліна Джалі: заходнія агенцтвы кажуць, што БелТА бярэ здымкі без дазволу

«Людзі, прыдуць хутка і па вас». Сьвятлана Алексіевіч падтрымала журналістаў са «справы БелТА»

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG