Лінкі ўнівэрсальнага доступу

Як Сьледчы камітэт адрэагаваў на прызнаньне журналіста Tut.by пра «супрацоўніцтва»


Сьледчы камітэт Рэспублікі Беларусь

Афіцыйная прадстаўніца Сьледчага камітэту Юлія Ганчарова адказала на прызнаньне журналіста парталу Tut.by Дзьмітрыя Бобрыка пра тое, што ён пад ціскам падпісаў дакумэнт аб супрацоўніцтве.

Рэдактар фінансавага аддзелу Tut.by Дзьмітры Бобрык 25 верасьня ў сваім фэйсбуку напісаў, што падпісаў у Сьледчым камітэце дакумэнт «пра супрацоўніцтва».

Журналіст сьцьвярджае, што ў цэнтральным апараце ведамства яму і ягоным блізкім пагражалі.

Пад ягоным пастом зьявілася шмат допісаў калегаў, сяброў, у якіх журналістамі падтрымлівалі.

А раніцай 26 верасьня афіцыйная прадстаўніца Сьледчага камітэту Юлія Ганчарова адказала: «Самая кароткая небыліца: Сьледчы камітэт завербаваў».

Адразу пасьля затрыманьня і допыту ў Сьледчым камітэце ў справе БелТА Дзьмітры Бобрык расказваў Свабодзе, як зь ім абыходзіліся:

«Заламалі рукі, павалілі на падлогу. Разьбілі вялікае люстра — зьдзіўляюся, як я не парэзаўся. Усяго было 9-10 чалавек. Потым паклалі на канапу са зьвязанымі рукамі... У Сьледчым камітэце ўзялі падпіску аб невыдаваньні. Сьледчыя паводзілі сябе па-рознаму: адны карэктна, другія ня вельмі. Былі пагрозы ў адрас маіх родных, блізкіх, ажно да абнародаваньня нейкіх фактаў майго асабістага жыцьця. Адваката мне не далі, пратрымалі ў Сьледчым камітэце гадзін 10, адпусьцілі позна ўвечары», — расказаў Зьміцер.

«Справа БелТА». Што важна ведаць

Што адбылося. Раніцай 7 жніўня супрацоўнікі Сьледчага камітэту прыйшлі зь ператрусамі ў офісы інтэрнэт-парталу Tut.by і інфармацыйнага агенцтва БелаПАН, а таксама ў кватэры журналістаў гэтых кампаній.

Сьледчыя падчас вобшуку ў офісе Tut.by
Сьледчыя падчас вобшуку ў офісе Tut.by

  • Сьледчы камітэт завёў крымінальную справу за несанкцыянаваны доступ да кампутарнай інфармацыі. Максымальнае пакараньне паводле ч. 2 арт. 349 — абмежаваньне ці пазбаўленьне волі на тэрмін да 2 гадоў.
  • Падставай для завядзеньня крымінальнай справы паслужыла паведамленьне БелТА пра збоі ў кліентаў пры доступе да платнай падпіскі на паслугі.
  • Ператрусы таксама прайшлі ў офісах Realt.by, газэты «Культура» і ТАА «Айціві». Таксама па справе праходзіць выдавецкі дом «Беларуская навука».
  • Вядома, што цягам 7–9 жніўня затрымалі 18 журналістаў. Іх вызвалялі пасьля допыту ў СК.
  • 9 жніўня СК заявіў, што галоўная рэдактарка Tut.by Марына Золатава прызнала віну, яна аспрэчыла гэтую інфармацыю.
  • Рэдактар Tut.by Дзьмітры Бобрык заявіў, што падпісаў дакумэнт «пра супрацоўніцтва» пасьля пагрозаў у Сьледчым камітэце.
  • У дадатак да прад'яўленага раней усім затрыманым абвінавачваньня Марыне Золатавай таксама інкрымінавалі бязьдзейнасьць адказнай асобы (артыкул ч.2 артыкула 425 КК — да 5 гадоў зьняволеньня і забарона займаць пэўныя пасады ці займацца пэўнай дзейнасьцю).

Чым унікальная «справа БелТА». Пяць момантаў

Хто асудзіў затрыманьні журналістаў і ператрусы ў рэдакцыях. Сьпіс​

Прадстаўляліся суседзямі, адключалі тэлефоны. Як сьледчыя затрымлівалі журналістаў Tut.by

5 пытаньняў рэдактаркі TUT.BY Калтыгінай да Сьледчага камітэту

«Справа БелТА». Ці сапраўды ва ўсім вінаваты опэр?

Мадона, янот і Анджэліна Джалі: заходнія агенцтвы кажуць, што БелТА бярэ здымкі без дазволу

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG