Лінкі ўнівэрсальнага доступу

У Дзярждэпе ЗША зьявілася пасада для барацьбы са зламыснай дзейнасьцю Расеі


© Shutterstock

Скарот назвы новай пасады супадае з назваю расейскае ракеты — SARMAT.

У Дзяржаўным дэпартамэнце ЗША зьявілася новая пасада — старэйшы дарадца ў праблемах расейскай зламыснай дзейнасьці і тэндэнцыяў (senior advisor for Russian malign activities and trends). Скарочана — SARMAT.

Гэты скарот супадае з назваю расейскай міжкантынэнтальнай балістычнай ракеты «Сармат», пра стварэньне якой раней сёлета абвясьціў прэзыдэнт РФ Уладзімір Пуцін.

Як паведамляецца, пра ўвядзеньне пасады старэйшага дарадцы ў праблемах расейскай зламыснай дзейнасьці і тэндэнцыяў абвясьціў намесьнік дзяржаўнага сакратара ЗША Уэс Мітчэл падчас слуханьняў пытаньня аб эфэктыўнасці санкцыяў супраць Расеі у сэнацкім Камітэце міжнародных дачыненьняў.

У сераду прэс-сакратар Дзяржаўнага дэпартамэнту пацьвердзіла, што супадзеньне назваў невыпадковае. Замежнапалітычнае ведамства ЗША пакуль не паведаміла, ці прызначаны хто-небудзь на пасаду.

Што да абавязкаў таго, хто зойме новую пасаду, Мітчэл растлумачыў, што гэты службовец будзе «распрацоўваць міжрэгіянальныя стратэгіі», прычым пры ўдзеле розных структурных адзінак.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG