Лінкі ўнівэрсальнага доступу

Супрацоўнікаў Realt.by адпусьцілі пасьля допыту


Увечары 8 жніўня пасьля допыту ў Сьледчым камітэце выйшлі на волю супрацоўнікі Realt.by Ігара Хмару, Марыю Сароку, Алену Маслоўскую і Ўладзіслава Кулецкага, піша БелаПАН.

Усе яны далі падпіску аб неразгалошваньні.

8 жніўня ў цэнтральны апарат сьледчага камітэту забралі траіх журналістаў Realt.by Ігара Хмару, Марыю Сароку, Алену Маслоўскую і галоўнага рэдактара Ўладзіслава Кулецкага.​ З офісу кампаніі сьледчыя вывезьлі кампутары і ноўтбукі.

Таксама 8 жніўня затрымалі журналістаў Аляксея Жукава і Паўлюка Быкоўскага, якім пазьней далі статус падазраваных у справе аб «незаконным доступе» да платнай падпіскі інфармацыйнага агенцтва БелТА. Быкоўскага і Жукава затрымалі на трое сутак.

Затрыманьні незалежных журналістаў. Што важна ведаць

  • Сьледчы камітэт завёў крымінальную справу за несанкцыянаваны доступ да кампутарнай інфармацыі. Максымальнае пакараньне паводле ч. 2 арт. 349 — абмежаваньне ці пазбаўленьне волі на тэрмін да 2 гадоў.
  • 7–8 жніўня прайшлі ператрусы ў офісах Tut.by, БелаПАН, Realt.by, газэты «Культура» і ТАА «Айціві». Таксама па справе праходзіць выдавецкі дом «Беларуская навука».
  • Вядома, што цягам 7–9 жніўня затрымалі 17 журналістаў. Іх вызвалялі пасьля допыту ў СК.
  • 9 жніўня СК заявіў, што галоўная рэдактарка Tut.by Марына Золатава прызнала віну.
  • Падставай для завядзеньня крымінальнай справы паслужыла паведамленьне БелТА пра збоі ў кліентаў пры доступе да платнай падпіскі на паслугі.
  • Платная падпіска БелТА каштуе 612 рублёў на месяц.
  • Хто асудзіў затрыманьні журналістаў і ператрусы ў рэдакцыях. Сьпіс​
  • У чэрвені 2018 году супраць кіраўніка БелаПАН Алеся Ліпая завялі крымінальную справу за ўхіленьне ад сплаты падаходнага падатку.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG