Лінкі ўнівэрсальнага доступу

СК пацьвердзіў новыя затрыманьні журналістаў і ператрусы ў трох мэдыя-кампаніях


Ператрус у інфармацыйным агенцтве БелаПАН

Сьледчы камітэт увечары 8 жніўня пацьвердзіў ператрусы і затрыманьні журналістаў па «справе БелТА», якія праходзілі раніцай таго ж дня.

Журналістам далі статус падазраваных

Затрыманаму 8 жніўня рэдактару сайту газэты «Беларусы і рынак» Аляксею Жукаву далі статус падазраванага. Той жа статус мае і журналіст-фрылансер Паўлюк Быкоўскі, які працаваў у «Беларусы і рынак» больш за 10 гадоў і сышоў з выданьня ў 2015 годзе.

Жонка журналіста Быкоўскага напісала з плэера, што муж у Сьледчым камітэце

Пацьвердзілі ператрусы ў новых кампаніях

Паводле СК 8 жніўня «праводзіліся сьледчыя дзеяньні» у:

  • рэдакцыйна-выдавецкай установе «Культура і мастацтва»;
  • ТАА «Рыэлтбай»;
  • ТАА «Айціві».

Свабода пісала пра ператрусы ў рэдакцыях гэзэты «Культура» і парталу Realt.by. У гэтых рэдакцыях сьледчыя канфіскавалі кампутарную тэхніку. Трох журналістаў і галоўнага рэдактара Realt.by Уладзіслава Кулецкага затрымалі.

У кампаніі «Айціві», якая займаецца распрацоўкай сэрвісу для інтэрнэт-тэлебачаньня, адмовіліся ад камэнтароў і параілі сачыць за афіцыйнымі паведамленьнямі.

Затрыманьні незалежных журналістаў. Што важна ведаць

  • Сьледчы камітэт завёў крымінальную справу за несанкцыянаваны доступ да кампутарнай інфармацыі. Максымальнае пакараньне паводле ч. 2 арт. 349 — абмежаваньне ці пазбаўленьне волі на тэрмін да 2 гадоў.
  • 7–8 жніўня прайшлі ператрусы ў офісах Tut.by, БелаПАН, Realt.by, газэты «Культура» і ТАА «Айціві». Таксама па справе праходзіць выдавецкі дом «Беларуская навука».
  • Вядома, што цягам 7–9 жніўня затрымалі 17 журналістаў. Іх вызвалялі пасьля допыту ў СК.
  • 9 жніўня СК заявіў, што галоўная рэдактарка Tut.by Марына Золатава прызнала віну.
  • Падставай для завядзеньня крымінальнай справы паслужыла паведамленьне БелТА пра збоі ў кліентаў пры доступе да платнай падпіскі на паслугі.
  • Платная падпіска БелТА каштуе 612 рублёў на месяц.
  • Хто асудзіў затрыманьні журналістаў і ператрусы ў рэдакцыях. Сьпіс​
  • У чэрвені 2018 году супраць кіраўніка БелаПАН Алеся Ліпая завялі крымінальную справу за ўхіленьне ад сплаты падаходнага падатку.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG