Лінкі ўнівэрсальнага доступу

Чаму «Менскі дыялёг» ня даў старту глябальнай міратворчай ініцыятыве ўладаў Беларусі


Аляксандар Лукашэнка на форуме «Менскі дыялёг»
Аляксандар Лукашэнка на форуме «Менскі дыялёг»

Ад форуму «Менскі дыялёг», які праходзіў у беларускай сталіцы 23–25 траўня, чакалі абвяшчэньня вялікай міжнароднай ініцыятывы «Хэльсынкі-2». Гэтыя два словы гучалі на форуме ўсе тры дні, імі карыстаўся кіраўнік Беларусі. Аднак афіцыйнага старту новай ініцыятывы так і не адбылося. Чаму?

Андрэй Загорскі, загадчык аддзелу Інстытуту ўсясьветнай эканомікі і міжнародных дачыненьняў Расейскай акадэміі навук

«„Хэльсынкі-2“ — гэта найперш істотнае падвышэньне ролі АБСЭ. Пакуль яна прымае свае рашэньні кансэнсусам. Ад гэтага трэба адмаўляцца.

Але ж узрастаньня значэньня АБСЭ ня хочуць дзьве краіны: Расея і ЗША. Менавіта яны хочуць, як і раней, кіраваць біпалярным сьветам. А „Хэльсынкі-2“ вымусіла б іх падпарадкоўвацца агульным рашэньням».

Вячаслаў Пазьняк, прафэсар Эўрапейскага гуманітарнага ўнівэрсытэту

«Ідэі „Хэльсынкі-2“ ужо амаль 20 гадоў. Проста цяпер яна актуалізавалася, што зьвязана з ростам канфліктнасьці і напружанасьці ў сьвеце. І беларускае кіраўніцтва вырашыла гэтым скарыстацца.

Але гэтую ідэю, мне падаецца, ня можа ініцыяваць толькі адна нейкая краіна. Яе можа абвясьціць толькі група зь некалькіх дзяржаў, сама меней чатырох-пяці.

Адрозна ад „Хэльсынкі-1“, цяпер трэба ўлічваць і пазыцыі іншых краін, якія геаграфічна не належаць да Эўропы. Гэта найперш Кітай і Індыя».

Уладзімер Фясенка, кіраўнік праўленьня Цэнтру прыкладных палітычных дасьледаваньняў «Пента» (Украіна)

«Мне падаецца, што памылкова шукаць рэцэпты для лячэньня сучасных праблем у мінулым. Адсюль і маё пэсымістычнае стаўленьне да „Хэльсынкі-2“. Я ня бачу перадумоваў для новай маштабнай міжнароднай дамовы.

Аднак гэтую ідэю можна скарыстаць менавіта ў Беларусі. Я казаў кіраўніку „Менскага дыялёгу“ Яўгену Прэйгерману: „А чаму б не зрабіць у Менску „другіх Хэльсынак“? Але не для палітыкаў, а для экспэртнай супольнасьці. Гэта можа быць няўрадавая, недзяржаўная ініцыятыва. Тут палітолягі, навукоўцы маглі б адчуваць сябе нашмат утульней. Яны рыхтавалі б пэўныя прапановы і перадавалі б іх пасьля дзяржаўным структурам“.

Сяргей Маркедонаў, дацэнт Расейскага дзяржаўнага гуманітарнага ўнівэрсытэту

„Менскі дыялёг“ мне найперш спадабаўся тым, што, бадай, упершыню за апошнія гады расейскія і ўкраінскія экспэрты не крычалі адзін на аднаго, а дыскутавалі аргумэнтавана, не абражаючы калегаў. І гэта ўжо добра.

Што тычыцца „Хэльсынкі-2“, то „Менскі дыялёг“ можа імі стаць, але толькі ў межах экспэртнай супольнасьці. Я бачу, як зь Менску ў розныя навуковыя цэнтры паступаюць „хатнія заданьні“ для навукоўцаў. Мы над імі працуем. А пасьля зьбіраемся на менскім форуме, абмяркоўваем нашы напрацоўкі і перадаём іх ва ўрадавыя структуры. Ад гэтага быў бы канкрэтны плён».

Яшчэ пра «Менскі дыялёг»:

Намесьнік міністра замежных спраў Беларусі: «Яшчэ ніколі ў Менску не зьбіралася столькі экспэртаў»

«Беларусь дапаможа зразумець, як думае Расея», — праграмны дырэктар фонду Адэнаўэра

Час, калі беларуская апазыцыя мела манаполію на сувязі з Захадам, прайшоў, — палітоляг

«Ня ўлічвае інтарэсаў Расеі». Як у Менску ацанілі вынікі «Ўсходняга партнэрства»

Як чыноўнікі, дыпляматы і экспэрты слухалі Лукашэнку на «Менскім дыялёгу». Фотарэпартаж Свабоды

«Хто з вас зьбіраецца заўтра паміраць? Ніхто! Нават я» — Лукашэнка да ўдзельнікаў «Менскага дыялёгу»

Лукашэнка: «Мы не з Расеяй супраць Эўропы»

«Беларусь робіцца вузлом рэгіянальнай бясьпекі» — генэральны сакратар АБСЭ

Паўтысячы ўдзельнікаў і Аляксандар Лукашэнка. Як працуе «Менскі дыялёг»

Міністар Макей распавёў, чаму Менск — «якасна новая» пляцоўка для дыялёгу

У сталіцы пачаўся Міжнародны форум «Менскі дыялёг». Фотарэпартаж

Топ-10 выказваньняў першага дня «Менскага дыялёгу»

Пяць пытаньняў і адказаў пра «Менскі дыялёг», на якім мае выступіць Лукашэнка

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG