Лінкі ўнівэрсальнага доступу

Некаторыя найбольш цікавыя публікацыі Свабоды мінулага тыдня.

Схема 000-179. Выбарчая камісія прызналася ў парушэньнях, але ня бачыць у гэтым праблемы

Падчас датэрміновага галасаваньня на мясцовых выбарах грамадзкі актывіст Дзяніс Краўчук прагаласаваў на трох розных участках Менску бязь менскай рэгістрацыі. Праверыць паводзіны выбарчай камісіі Семяненка папрасіў Галоўнае ўпраўленьне па барацьбе з арганізаванай злачыннасьцю.

Блогер NEXTA, якога западозрылі ў абрáзе Лукашэнкі, запісаў відэаадказ

У кватэры маці відэаблогера Сьцяпана Сьвятлова, вядомага пад псэўданімам NEXTA, у канцы лютага правялі ператрус. Відэаблогер пацьвердзіў запісаў відэаадказ.

Журналіст Аляксандар Пуціла, бацька відэаблогера, падтрымлівае сына ў ягонай дзейнасьці і называе перасьлед спробай перакласьці на некага адказнасьць за правалы дзяржаўнай палітыкі.

Улады дазволілі мітынг і канцэрт ля менскай опэры 25 сакавіка

2 сакавіка прадстаўнікі аргкамітэту сьвяткаваньня 100-й гадавіны абвяшчэньня незалежнасьці Беларускай Народнай Рэспублікі сустрэліся з прадстаўнікамі Менскага гарвыканкаму. Гарадзкія ўлады далі дазвол на канцэрт і мітынг ля Опэрнага тэатру 25 сакавіка, паведаміў Свабодзе Аляксей Янукевіч.

Стала вядома, хто пагадзіўся выступіць на канцэрце ў Дзень Волі

Лявон Вольскі
Лявон Вольскі

Лявон Вольскі, «Крама», Neuro Dubel і «Дзецюкі» пагадзіліся выступіць на канцэрце ў гонар стагодзьдзя Беларускай народнай рэспублікі.

Рэпартаж з адзінага сельсавету, дзе другі раз запар на выбарах перамагае апазыцыянэр

Валер Білібуха, нягледзячы на адкрытыя сымпатыі да апазыцыі і сяброўства ў БХД, другі раз запар перамог на выбарах дэпутатаў сельсавету, чым выклікаў, як сам кажа, «сапраўдны перапалох у райвыканкаме».

«Гэта была мара дзяцінства». Глухі мянчук працуе кіроўцам таксі

Уладзімер Кацянёў працуе кіроўцам Uber чатыры месяцы. Ён ужо перавёз каля 900 чалавек. Ягоны рэйтынг — 4,9 з 5 балаў. І ён ня мае слыху. Калі б не сучасныя тэхналёгіі, глухі зь дзяцінства Уладзімер ня змог бы ўладкавацца на працу мары.

Зянон Пазьняк выказаўся наконт Маршу нацыяналістаў у Гайнаўцы

Зянон Пазьняк
Зянон Пазьняк

Старшыня КХП-БНФ заявіў, што Марш «Выклятых жаўнераў» у Гайнаўцы на Падляшшы «шакуе сваім цынізмам і амаральнасьцю».

На Магілёўшчыне замерзьлі насьмерць 5 чалавек

Сёлетняй зімой ад пераахаладжэньня ў Магілёўскай вобласьці сканалі пяць чалавек. Яшчэ двум памерлым такі дыягназ ня выстаўлены. Іх знайшлі ў апошнія суткі, калі ўсталявалася дужа марознае надворʼе.

Беларус адзін пройдзе на лыжах 400 км праз усю Ісьляндыю. Зь бел-чырвона-белым сьцягам

Кірыл Якімовіч
Кірыл Якімовіч

Беларус Кірыл Якімовіч пачаў свой самотны маратон па замерзлай лаве ў Ісьляндыі. Ён рушыў у шлях зь мясцовасьці Блёндуос на ўзьбярэжжы Паўночнага Ледавітага акіяну. Завяршыць вандроўку Якімовіч зьбіраецца ў Скоўгары на поўдні выспы. Ідзе адзін, зь бел-чырвона-белым сьцягам, які пашыла жонка.

Беларускі CityDog прыйшоў у Чэхію: Як менскі «сабака» спрабуе ўгрызьціся ў Прагу

Стваральнікі менскага інтэрнэт-выданьня CityDog (гарадзкі сабака) адкрылі ў Празе чэскамоўны сайт, які пакуль што працуе ў тэставым рэжыме.

Як беларусу закупіцца ў Польшчы ў нядзелю. Нягледзячы на забарону

З 1 сакавіка ў Польшчы пачаў дзейнічаць закон, паводле якога, абмяжоўваецца праца гандлёвых сетак і крамаў у нядзелю. Жыхары Горадзеншчыны ўпэўненыя, што ўжо ёсьць спосабы, як гэта абмінуць.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG