ААН адзначае, што краіны з высокім узроўнем дабрабыту прынялі амаль дзьве траціны мігрантаў усяго сьвету. Менавіта такая доля мігрантаў трапіла ўсяго ў 20 краінаў сьвету.
Самая вялікая колькасьць, прыкладна пятая частка ўсяго патоку міжнароднай міграцыі, трапіла ў ЗША.
Саудаўская Арабія, Нямеччына і Расея займаюць месцы з другога па чацьвёртае ў сьпісе краінаў-прымальнікаў мігрантаў. У кожнай з гэтых краінаў пражываюць каля 12 мільёнаў мігрантаў.
На пятым месцы — Вялікабрытанія з прыкладна 9 мільёнамі мігрантаў, гаворыцца ў справаздачы.
